Sekretária Estadu Igualdade no Inklusaun, Maria Jose da Fonseca Monteiro de Jesus. Imajen António Goncalves

DILI, 10 jullu 2019 (TATOLI)—Governu ida ne’e mós iha polítika protesaun ba komunidade LGBTI  (Lesbian, Bisexual, Gay, Transjender no Inter-seksu) no ema ho defisiénsia.

Sekretaria Estadu Igualdade  no Inkluzaun (SEII-sigla portugés), Maria José da Fonseca Monteiro de Jesus, hateten, Ministériu Solidariedade Sosiál no Inkluzaun (MSSI) mak iha liu kompeténsia ba protesaun ba ema vulnerável, komunidade LGBTI no ema ho defisiénsia, maibé SEII mós kontinua ko’alia hodi fó advokasia ba direitu hotu ne’ebé ema hirak ne’e merese hetan hanesan mós ema normal iha sosiedade ida ne’e.

Relasiona ho preokupasaun real balun ohin loron ne’ebé sei iha diskriminasaun ba komunidade LGBTI no ema ho defisiénsia  sira, SEII Maria José da Fonseca Monteiro de Jesus, hatete, intermus Timor-Leste nia situasaun ladún iha diferensa moris ne’ebé hatudu diskriminasaun boot, tanba ne’e, sosiedade ida ne’e kontinua fó espasu ba ema hotu atu buka moris no organiza malu.

SEII fó ezemplu, tinan-tinan, iha 12 maiu, organizasaun HATUTAN organiza marsa diversidade ne’ebé mak grupu LGBTI envolve an ativa no husu mós partisipasaun SII nian hodi hato’o mensajen.

“Sira husu ba ha’u hato’o mensajen ida ba sira, entaun reprezenta governu nian liuhusi  SEII hato’o ona mensajen ne’e ba sira i iha memento ne’e kedas fahe tutan ona ba rede sosiál,” tenik Maria José da Fonseca Monteiro de Jesus, foin lalais ne’e, ba Ajénsia TATOLI iha Palásiu Governu, Dili.

“Ami sempre halo advokasia atu assegura ema hotu-hotu, liuliu ema ho defisiénsia no direitu komunidade LGBTI no mós grupu marjinalidade sira nian,” nia hatutan.

Notísia Relevante : http://www.tatoli.tl/2019/07/lgbti-barak-laha…e-sira-nia-moris/ ‎

Jornalista   : Osória A. Marques

Editór         : Francisco Simões

HAKEREK NO HATÁN

Please enter your comment!
Please enter your name here