Aeroportu Internasionál Oe-Cusse "Rota do Sândalo"

OE-CUSSE, 09 jullu 2019 (TATOLI)–Rejiaun Administrativu Espesiál Oe-Cusse Ambeno ho Zona Ekonomia Espesiál Sosiál Merkadu (ZEESM), hahú 2015 to’o 2019 rekolla ona reseita fiskál no própriu.

“Reseita ne’ebé ami rekolla iha oin rua mak reseita própriu no reseita governamentál (fiskál)”, informa Sekretária Rejionál Finansa, Leonia Monteiro ba jornalista sira, iha Oe-Cusse, segunda (08/07/2019).

Nia esplika, reseita governamentál ne’ebé hela ba governu mak reseita ne’ebé mai husi atividade fa’an iha merkadu, direitu ba konsumu, direitu importasaun, esportasaun, impostu nasionál ba rendimentu indivíduu, impostu internasionál no rendimentu individuál, aluga terrenu no prédiu ho %rua, atividade konstrusaun ba infrastrutura %rua, taxa hosi otél, restaurante no bar.

Reseita própria ne’ebé hela ba rejiaun, nia dehan rejistu transporte, prodús karta kondusaun, multa, billete viajen no seluk tan.

Nia dehan, sistema rekolla reseita, RAEOA-ZEESM halo kontabilidade beibeik, tenke halo konsiliasaun bankária loroloron.

“Ohin selu impostu, ami hatene kedan. Ami halo relatóriu kada fulan tolu, iha tinan ida, depois sira hatama ba sistema GRP (Government Resource Planning) atu públiku bele asesu,” informa Leonia Monteiro.

Hahú husi 2015 to’o agora,  Leonia Monteiro esplika, sistema finanseiru RAEOA-ZEESM halo jestaun manuál, hanesan uza excel ne’ebé aplika ba template hafoin halo kontabilidade di’ak, maibé iha mós kontrolu makas tanba liga diretamente ho banku, katak ezekusaun loron ohin hira no osan hela hira.

Hanesan mós ho orsamentu RAEOA-ZEESM, tenik Leonia Monteiro, durante ne’e halo relatóriu trimestrál ba governu sentrál, halo relatóriu mós ba tribunál kontas inklui Parlamentu Nasionál.

Jestaun durante ne’e, tuir Leonia Monteiro, jestaun la’o di’ak maske uza manuál maibé análize didi’ak. Jestaun finanseiru, kuandu simu mai ona hatama kedan ba sistema ne’ebé kria ona hanesan kontabilidade ida.

 Jonalista  : Zezito Silva

Editór       : Francisco Simões

HAKEREK NO HATÁN

Please enter your comment!
Please enter your name here