DILI, 8 jullu 2019 (TATOLI) – Xefe Departamentu Forensik Ospitál Nasionál Guido Valadares (ONGV), Nilton Tilman, hatete refrijeradór daudaun ne’e menus tebes.

“Ha’u labele hateten fasilidade ne’e ideál, deskulpa más to’o loron ne’e ami sei sobrevive, no difikuldade liu maka refrijeradór la sufisiente para akomoda”, hateten Nilton ba jornalista sira iha sala Diresaun Forensik ONGV, ohin.

Nilton hatutan daudaun ne’e refrijeradór iha de’it lima, kuandu iha kazu ruma hanesan asidente boot no hamate ema barak maka sei hasoru difikuldade.

‘’Maske ami hasoru difikuldade maibé nafatin esforsu no vontade boot atu fó atendimentu ba públiku”, afirma.

Médiku ne’ebé halo kna’ar iha DF-ONGV hamutuk lima, espesialista ativu rua.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here