iklan

NASIONÁL, DILI

FRETILIN Husu Líder Nasionál Tuur Hamutuk Hadi’a Naksalak

FRETILIN Husu Líder Nasionál Tuur Hamutuk Hadi’a Naksalak

Adjuntu Sekretáriu Jerál FRETILIN, José Reis, ko´alia ba jornalista sira kona-ba akordu koligasaun iha CCF, ohin.

DILI, 6 jullu 2019 (TATOLI)—Adjuntu Sekretáriu Jerál FRETILIN, José Reis, husu ba líder nasionál sira atu tuur hamutuk rezolve naksalak ne’ebé iha, liliu situasaun polítika atuál.

“Ha’u husu nafatin ba iha veteranu sira ne’ebé mak sei moris dudu prosesu ne’e ba lideransa nasionál bele tuur hamutuk para bele hadi’a naksalak ida ne’e. Ho hadi’a naksalak ida ne’e , ita mai loloos hahí saudozu sira-nia mate,” Adjuntu Sekretáriu Jerál FRETILIN, José Reis, ko’alia bainhira presta omenájen ikus ba saudozu Jaime Ribeiro ‘Samba-Sembilan’, iha sede Komité Sentrál FRETILIN (CCF-sigla portugés), Comoro, Dili, ohin.

Adjuntu Sekretáriu Jerál FRETILIN ne’e afirma, atu dignifika saudozu sira hotu tenke fó oin ba malu. “Ita tenke halo tuir saida maka desizaun foti ona iha tinan 1974 bainhira ita organiza-án atu liberta hosi kolonializmu no liberta hosi okupasaun ilegál Indonézia,” nia sujere.

“Diálogu nu’udar dalan ne’ebé di’ak. Lideransa FRETILIN fó apoiu tomak ba diálogu ida para bele hadi’a naksalak sira ne’ebé iha ita-nia oin. Ho hadi’a naksalak sira ne’e, ha’u hanoin ita mai fó loloos dignidade ba veteranu sira ne’ebé mak mate,”  Reis fó hanoin.

Jornalista: Evaristo Soares Martins

Editór: Xisto Freitas

iklan
iklan

Leave a Reply

iklan
error: Content is protected !!