Joven na’in rua mate durante konfrontu entre grupu juventude iha Aldeia Baura, Suku Leorema, Postu Administrativu Bazartete, Munisípiu Liquiçá, kinta loro-kraik (04/07/2019). Imajen/Espesiál

DILI, 04 jullu 2019  (TATOLI)–Konfrontu entre grupu juventude iha Aldeia Baura, Suku Leorema, Postu Administrativu Bazartete, Munisípiu Liquiça, ohin loro-kraik, rezulta juventude na’in rua mate iha fatin no joven tolu kanek, inklui uma neen no motór ida hetan sunu.

Joven na’in rua mate durante konfrontu entre grupu juventude iha Aldeia Baura, Suku Leorema, Postu Administrativu Bazartete, Munisípiu Liquiçá, kinta loro-kraik (04/07/2019). Imajen/Espesiál

Komandante Polisia Munisípiu Liquiça, Inspetór Xefe, Graciano Amaral, informa katak, hafoin konfrontu entre joven sira, parte PNTL too kedas iha fatin akontesimentu hodi lori mate isin na’in rua no salva vítima ne’ebé kanek ba Ospitál Nasionál Guido Valadares (HNGV-sigla portugés), Dili.

“Ita nia joven na’in rua mak mate fatin no na’in tolu hetan kanek inklui uma neen no motór ida mak hetan sunu,” informa Inspetór Xefe Graciano Amaral.

Komandante ne’e dehan, polisia Liquiça sei rekolla nafatin dadus hodi buka tuir autór sira ne’ebé oho no envolve iha kazu omisídiu ne’e atu submete ba lei

Iha semana kotuk liubá parte Komandu PNTL Liquiça ho Autoridade Munisípiu Liquiça, organiza grupu joven balun hodi hadame malu, maibé foin liu semana ida grupu sira ne’e kontinua kria konflitu too oho malu.

Husi sorin seluk, Komandante Komandu Operasionál Nasionál (KKON), Superintendente Xefe, Pedro Belo, dehan, Komandu PNTL hatún ona ekipa Polisia Espesiál ba fatin akontesimentu hodi akalma situasaun no buka tuir autór sira.

Pedro Belo afirma katak, PNTL sei la tolera grupu sira ne’ebé oho no halo konflitu too sunu povu nia uma.

Ekipa : TATOLI

HAKEREK NO HATÁN

Please enter your comment!
Please enter your name here