DILI, 03 jullu 2019 (TATOLI)-Molok tama ba festa Konsulta Popular, 30 Augusto 2019, Autoridade Munisípiu Dili sei muda hotu vendedór sira husi estrada protokolu nian ba  Caicoli.

Vendedór hirak atu muda ne’e la’ós de’it tiga roda,   maibé hirak ne’ebé fa’an motor ho karreta, inklui gerobakfa’an nuu laloir mós sei muda hotu.

“Durante ne’e ita akompaña ema fa’an sasán iha públiku tuir nia hakarak. Ami sei muda hotu,” afirma Sekretáriu Autoridade Munisípiu Dili, José Filipe Ximenes Smith, ohin, ba ajénsia TATOLIiha nia knar fatin.

 Nia afirma mós katak, operasaun hodi muda vendedór sira ne’ebé halo atividade iha estrada ninin la’o tiha ona, maibé sei kontinua eziste. Tanba ne’e, autoridade tenke reafirma fali tan lei hodi muda negosiante ambulante sira obrigatóriu.

“La’ós atu tama festa Konsulta Popular u mak atu halo operasaun, maibé operasaun la’o kleur ona,” afirma José Filipe Ximenes Smith.

 Autoridade Munisípiu ho apoiu Polisia Nasionál Timor-Leste (PNTL) halo ona enkontru koordenasaun ho negosiante ambulante sira, Tersa horiseik (02/07/2019), ne’ebé to’o iha konkordánsia ida katak, negosiante sira mós hakarak muda ba Caicoli.

 “Ami iha akordu lubuk ida ona ho negosiante sira para atu fa’an karreta, motor,  fa’an nu’u ho gerobak sira mai hotu iha Caikoli,” hateten José Smith.

Jornalista       : Nelia Fernandes

Editór             : Francisco Simões

 

HAKEREK NO HATÁN

Please enter your comment!
Please enter your name here