Ministru Reforma Lejizlativa no asuntu Parlamentár, Fidelis Manuel Leite Magalhães. Imajen/António Gonçalves

DILI, 25 juñu 2019 (TATOLI)–Ministru Reforma Lejizlativa no asuntu Parlamentár, Fidelis Manuel Leite Magalhães, hateten, maske seidauk aprezenta proposta lei kona-ba konvensaun direitu ema ho defisiénsia, maibé governu halo esforsu hela.

“Governu seidauk aprezenta, maibé esforsu la’o hela. La’ós dehan, lei la importante, la’ós dehan, ratifikasaun la importante, maibé iha ona esforsu lejizlativa,”  informa Ministru Fidelis Magalhães ba jornalista sira, ohin, iha Parlamentu Nasionál.

Nia hatutan, governu preokupa ratifikasaun ho kumprimentu legal ne’e hanesan komponente ida ne’ebé importante atu la’o dala ida.

“Ha’u rasik hasoru malu ona ho maluk defisiente sira no ami ko’alia asuntu hirak ne’e no ha’u submete ona ba ministériu relevante,” hateten Fidelis Magalhães, hodi afirma mós katak, Timor-Leste halo esforsu lubuk ida ba ema ho defisiénsia sira maske seidauk iha enkuadramentu no kompromisu internasionál.

Jornalista      : Zezito Silva

Editór            : Francisco Simões

HAKEREK NO HATÁN

Please enter your comment!
Please enter your name here