Komandante Jerál Polísia Nasional Timor-Leste (PNTL) Komisariu Polísia, Faustino da Costa fó pose ba Superintendente Atoninho Mauluta ba Xefe Departementu Justisa PNTL iha Kuartél Jerál PNTL, Caicoli Dili, segunda (17/06).Imajen/Tatoli/Eugénio Pereira

DILI, 17 juñu (TATOLI)–Xefe Departamentu  Justisa  Polisia Nasionál Timor-Leste (PNTL), Superintendente, António Mauluta,  sei estuda didi’ak lei orgánika PNTL ho regulamentu dixiplinár foun PNTL nian ne’ebé Komandu PNTL aprezenta ona ba Ministériu Interior atu lori ba diskute iha Konsellu Ministru.

http://www.tatoli.tl/wp-content/uploads/2019/06/Antonio-Mauluta-222x300.jpg

Iha Lei orgánika ho regulamentu dixiplinár foun PNTL nian ne’e, Komandu PNTL aumenta artigu balun hodi fó kompeténsia ba Departamentu Justisa atu uza regulamentu foun sira sai kbiit  ida ba Departamentu Justisa hala’o knaar no ezekuta misaun sira ne’ebé iha relasaun ho justisa no kestaun dixiplinár sira tenke tuir norma sira Konstituisaun nian, lei no diretiva sira ne’ebé vigora iha RDTL.

 “Ha’u sei estuda didi’ak lei sira ne’e bainhira governu aprova ona iha Konsellu Ministru foin bele haree ninia lalauk implementasaun ne’e oinsá, tanba ita hakarak regula membru hotu- hotu tenke dixiplina maka’as,” afirma Komandante Mualuta, ohin, ba jornalista iha Komandu PNTL Caicoli, Dili.

Mauluta sei estuda konteúdu lei dixiplina ne’e ho di’ak, atu ne’e uza regula membru PNTL hotu- hotu la’o tuir regra no respeita ierarkia servisu hotu hodi lori PNTL hetan hahalok di’ak.

Nia afirma, PNTL komunga regulamentu dixiplinár hanesan doutrina ka instrumentu ne’ebé iha ema umanu ida nia laran ne’ebé enkuadra nia-an iha instituisaun seguransa hanaran PNTL, tenke hakru’uk ba regulamentu no normas étika sira ne’ebé define iha instituisaun PNTL, dixiplina hanesan baze ida hodi hamosu livre vontade husi membru sira hodi haklaken deveres no obrigasoens ho profisionalizmu no labele sente iha presaun

Lei dixiplinár PNTL (Dekretu Lei No. 13/2004 de 16 de Juñu).  Kritéria dixiplinár mak membru PNTL hotu tenke hatene  no halo tuir saida mak estipula iha regulamentu dixiplinár  PNTL liu-liu Art.8 kona-ba devér Jerál no devér espesífiku  ne’ebé artikuladu iha regulamentu ne’e rasik.

Progresu hosi  implementasaun regulamentu dixiplinár mak agora membru  sira hetan formasaun étika polisiál, nia importánsia  oinsá atu promove PNTL ho étika ne’ebé aas tuir saida  mak estipula iha deveres (9) iha regulamentu dixiplinár,  hanesan (devér korresaun, devér Zelu, devér izensaun,  devér obediénsia, devér lealdade, devér sijilu, devér  asiduidade, devér pontualidade, no devér aprumo).

Antes ne’e, Ministru Interior internu, Filomeno da Paixão de Jesus dehan, nia parte simu ona regulamentu dixiplinár ne’e sei estuda didi’ak foin aprezenta ba Konsellu Ministru hodi diskute no aprova.

Jornalista      : Eugénio Pereira

Editór             : Francisco Simões

HAKEREK NO HATÁN

Please enter your comment!
Please enter your name here