Prezidente Parlamentu Nasionál, Arão Noe de Jesus Amaral. Imajen/António Goncalves

DILI, 13 juñu 2019 (TATOLI) – Prezidente Parlamentu Nasionál (PPN), Arão Noe de Jesus Amaral, husu ba judisiál no públiku atu fó justisa ida justu ba kazu inan soe bebé.

PPN Arão Noe de Jesus Amaral husu mós atu judisiál tenke buka hatene mane ne’e se, atu sira bele hetan justisa ne’ebé hanesan.

“Ha’u husu ba judisiál no públiku atu fó justisa ida justu ba kazu soe bebé, husu atu buka hatene hodi identifika mane liuhosi teste ran, atu deskobre mane ne’e se, hosi ne’e mak feto ho mane tenke hetan justisa ne’ebé hanesan,”  afirma PPN Arão Noe ba Ajénsia TATOLI hafoin halo  abertura ba  semináriu kona-ba ema ho defisiénsia, ohin,  iha salaun Ministériu Solidariedade Sosiál no Inkluzaun (MSSI) iha Caicoli, Dili.

Nia lita tuun tan dehan,  “dalaruma komentáriu públiku fó sala liu ba feto. Ida ne’e ha’u hanesan sidadaun ida ha’u la simu tanba la iha oan ida maka la iha inan ho aman.”

Arão Noe de Jesus Amaral ezije ba tribunál atu buka hatene se maka fó isin rua ba feto, tanba justisa sosiál ko’alia hodi akuza mane ne’ebé irresponsabilidade.

“Públiku komenta fó sala liu ba feto, ida ne’e nia sente moe, maibé tenke buka tuir mane atu iha responsabilidade hotu,” tenik Arão Noe de Jesus.

Nia hatutan, kuandu públiku fó sala de’it ba feto maka asaun sira ne’e sei akontese beibeik. Tanba ne’e, justisa tenke iha responsabilidade hosi parte rua, atu iha oan ida tenke iha aman ida.

“Ita labele dehan moral hosi feto la iha, maibé responsabilidade moral hosi feto ho mane importante,” afirma Arão Noe.

“Kostume Timor-Leste, ita fó sala liu ba feto ,maibé ita la hatene katak prosesu ne’e iha ema rua nia hakarak”.

Arão Noe husu mós atu tribunál tenke buka hatene mane hodi haruka koordena ho polisia atu identifika mane, nune’e bele fó sansaun ne’ebé hanesan.

Jornalista      : Zezito Silva

Editór            : Francisco Simões

 

2 KOMENTÁRIU

  1. # Lei proteje liu ba injustisa, Basa Bebe nee fila ba nia inan no la buka tuir mane nee mak sei sai dezafiu boot liu iha bebe nia vida tamba nia importasia liu ba sira rua mane nia dignidade laos ba bebe nia vida. Se nune mak sei Loke dalan ka aumenta numeru soe bebe barak liu tan iha TL.
    # Hela ho ema nebe proteje ona bebe nia vida basa iha segundu balun deit sira iha domin nebe bot liu ba bebe nee no tenki buka tuir mane, nunee sira rua hodi hatan ba justisa nebe laos tuir prosesu normal. Atu nune bele prevene soe bebe no ransu livre iha TL.

  2. W aceita ho saida mk PPN hato’o ….
    Tenke buka hdi hatene atu nune’e lble hatoman ema(feto/mane) atu hlo bebeik hnsan n..

HAKEREK NO HATÁN

Please enter your comment!
Please enter your name here