Diretór DNRN, João Fernando Martins Borges. Imajen/Antonio Goncalves

DILI, 07 juñu 2019 (TATOLI)-Diresaun Nasionál Rejistu no Notariadu (DNRN) sei lansa da-uluk projetu rejista moris ba labarik hosi tinan 0-5 sei iha munisípiu parte leste nian, kompostu hosi  Manatuto, Baucau, Viqueque ho Lautem.

Diretór DNRN, João Fernando Martins Borges hatete, projetu rejistu moris ne’e sei hahú depois UNICEF konklui formasaun ba lideransa komunitáriu iha munisípiu Lautem iha semana oin.

Kona-fali ba Munisípiu Baucau, Viqueque ho Manatuto, UNICEF konklui tiha ona formasaun ba lider komunitáriu sira no hein deit atu halo lansamentu ba projetu rejistu moris ba labarik ne’e.

 “Sei halo uluk formasaun ba lideransa komunitáriu atu oinsá iha koñesimentu atu prienxe deklarasaun nasimentu (Sertidaun RDTL) ba labarik hosi tinan 0-5 depois ida ne’e maka sei ba halo rejistu movel iha suku no postu administrativu sira,” informa Diretór DNRN ne’e ba Ajénsia TATOLI, Kuarta (5/62019), iha Bebora, Dili.

Projetu ne’e ninia alvu maka sei halo rejistu ba labarik porsentu 40 hosi total sidadaun Timor-Leste maka to’o ohin seidauk rejistu hodi hetan sertidaun moris hosi estadu.

Nia dehan, projetu rejista moris ne’e hetan apoiu hosi Governu  no povu Japaun ne’ebé apoiu ona karreta ida, orsamentu no sei apoiu tan, komputadór ho mákina imprime durante implementasaun projetu ne’e ho durasaun tinan tolu.

http://www.tatoli.tl/2019/06/mj-world-vision-asina-akordu-rejista-labarik/

Jornalista      : Agapito dos Santos

Editór            : Francisco Simões

HAKEREK NO HATÁN

Please enter your comment!
Please enter your name here