Sekretáriu Estadu Ambiente, Demétrio de Amaral de Carvalho. Imajen/Egas Cristovao

DILI, 07 juñu 2019 (TATOLI)-Sekretáriu Estadu Ambiente, Kinta (6/6/2019, organiza konferénsia nasionál ba alterasaun klimátika ba da-tolu hodi komemora loron mundiál ambiente ne’ebé monu iha 5 juñu 2019 no mós  re-define polítika hodi asesu ba fundu internasionál ba prevensaun mudansa klimátika.

Sekretáriu Estadu Ambeinte, Demétrio de Amaral de Carvalho hatete,  re-definisaun polítika  Timor Leste ne’e importante hodi bele asesu fundu Klimátika Verde, Fundu Adaptasaun Klimátika Nasoins Unidas nian (ONU).

“ Konferénsia da-tolu ne’e hodi re-define asaun prioridade TL bele halo hodi aproveita ba mekanizmu internasionál sira  hosi fundu klimátika verde, fundu adaptasaun klimátika  ne’ebé UN triple maka sei define  ba mellora TL ninia intervensaun sira ba adaptasaun no metigasaun,” esplika Demétrio de Amaral de Carvalho, ba Jornalista sira iha Edifísiu Ministériu Finansa.

Nia hateten, prevene sunu rai arbiru hodi kuda ai barak liu tan sei kontribui atu halo alterasaun ba mudansa klimátika ne’ebé oras ne’e akontese no tuir estatístika kada tinan tasi sa’e 0,05 mill metru no 0,016 grau selsiu iha Timor-Leste tanba ne’e meius ida maka tenke kuda ai barak liu tan.

Durante ne’e, governu organiza hodi kuda ai parapa barak liu tan, kuda ai horis iha fatin prezerva sira. Bazeia ba dezenvolvimentu sustentavel iha objetivu 13 kona-ba asaun klimátika ne’ebé iha númeru 2 hatete integra medida alterasaun klimátika iha polítika nasionál, estratéjia planeamentu.

Ho ida ne’e maka iha Governasaun da ualu liuhosi SEA aplika polítika zero plástiku hodi redús uza plástiku iha rai laran ba prevensaun mudansa klimátika.

Oradór  sira iha konferénsia nasionál ne’e mai hosi ekipa green climate fund, Governu rasik no seluk tan.

Timor Leste ratifika konvensaun alterasaun klimátika iha 2006 no konvensaun alterasaun klimátika mosu iha konferénsia Rio de Janeiru  iha 1992  hodi estabelese konvensaun alterasaun klimátika, konvensaun ba biodiversidade no diversifikasaun.

Iha tinan ne’e, selebrasaun loron mundiál ambiente hala’o iha Xina ho tópiku “Beat Air Pollution ka halakon poluisaun ar”.

Jornalista      : Agapito dos Santos

Editór            : Francisco Simões

HAKEREK NO HATÁN

Please enter your comment!
Please enter your name here