Treinadór foun klube zigante Kapitál Dili, Karketu Dili FC, Haryadi Hengkang, hahú treinu jogadór Karketu iha Kampu Demokrasia, segunda horsehik. Imajen Mídia LFA

DILI, 03 juñu 2019 (TATOLI)—Hafoin derrota dala rua no empata dala ida iha jornada datoluk Primeira Divizaun Liga Futeból Amadora (LFA) époka 2019, treinadór foun klube zigante Kapitál Dili, Karketu Dili FC, Haryadi Hengkang promete sei lori Karketu ba vitória iha jogu sira tuir mai.

“Ha’u foun iha ne’e, maibé sai ona família ba Karketu. Jogadór, ofisiál hamutuk ho ha’u ami serbisu maka’as nune’e bele hadi’a di’ak fali performa ne’ebé durante ne’e falla,” eis treinadór Persatuan Sepakbola Indonesia Balikpapan (PERSIBA) ne’e ba jornalista hafoin fó treinamentu dahuluk ba jogadór Karketu iha Kampu Demokrasia, segunda (03/6/2016).

 Treinadór ne’e akresenta, maski kondisaun Karketu nian oinsa mós nia optimista sei lori ekipa refere manán iha jogu tuir mai.

Antes hamutuk ho Karketu, Haryadi hanesan mós treinadór iha klube sira seluk iha Indonezia nian hanesan Persipon Pontianak, PSIM Yogyakarta no PERSIBA.

Treinadór estranjeiru ne’e hetan ona sertifikadu ba treinadór hosi Asian Football Confederation (AFC) level C iha tinan 1998, level B tinan 1999 no level A tinan 2000.

Oras ne’e, Karketu FC okupa tabela klasifikasaun provizóriu iha pozisaun neen ho pontu 1. Pozisaun primeiru lidera hosi Ponta Leste ho pontu 9, segundu Boavista ho pontu 7, terseiru Assalam ho pontu 7, kuartu Lalenok ho pontu 6, kintu SLB ho pontu 4, sestu Karketu pontu ho 1 no ikus liu Académica FC no Atlético Ultramar mak okupa zona dezpromosaun (degradasi-termu Indonézia) ho pontu zero.

Jornalista: Mídia LFA

Editór: Xisto Freitas

HAKEREK NO HATÁN

Please enter your comment!
Please enter your name here