Ministru Transporte no Komunikasaun, José Agustinho da Silva. Imajen Mídia MTK

DILI, 27 maiu 2019 (TATOLI)-Funsionáriu na’in  tolu (3) hosi Ministériu Transporte no Komunikasaun (MTK) uza karreta  Estadu nian ho xapa matrikula 04.900 G, tenke submete ba Lei tanba pratika atividade ilegál.

Funsionáriu na’in tolu MTK nian ho inisiál EB, SV ho MB ne’e, Sesta (24/5/2019), Polisia Nasionál Timor-Leste (PNTL) kaptura iha Liquiça tanba tenta lori ai-kameli no kilat manu ilegálmente ba Atambua-Indonézia.

“Semana kotuk, ha’u iha hela estranjeiru, ha’u nia funsionáriu ne’e tenke submete ba prosesu ne’ebé Lei ne’ebé mak vigora,” hateten Ministru Transporte no Komunikasaun, José Agostinho da Silva, ba Jornalista sira, ohin, iha Palásiu Governu, Dili.

Maske ohin, Ministru bolu ona funsionáriu na’in tolu ne’e hodi halo investigasaun, maibé, presiza hetan informasaun hosi parte hotu-hotu molok foti konkluzaun. Nia dehan,  bainhira komete irregularidade tenke submete ba prosesu justisa iha rai laran.

“Ohin, ha’u bolu investiga kedas ninia kronolojia ne’e oinsá,” hateten Ministru José Agostinho da Silva.

Jornalista      : Agapito dos Santos

Editór            : Francisco Simões

HAKEREK NO HATÁN

Please enter your comment!
Please enter your name here