Ministru Justisa, Manuel Cárceres da Costa. Imajen/Egas Cristovão

DILI, 23 maiu 2019 (TATOLI) – Ministru Justisa (MJ), Manuel Cárceres da Costa, hafoin simu informasaun katak blanku produsaun Billete Identidade (BI) laiha maka diretamente fó ona orientasaun ba lideransa Diresaun Nasionál Rejistu Notariadu (DNRI) sosa.  

“Loos duni ha’u simu relatóriu hosi Diresaun Nasionál Rejistu Notariadu katak blanku ba Billete Identidade laiha, ne’ebé ha’u fó ona orientasaun ba diretór sira katak urjentimente tenke hameno ona, no rezultadu iha ona, la kleur tan to’o ona iha Timór”, hateten Manuel Cárceres da Costa ba jornalista sira iha resintu Universidade da Paz (UNPAZ), Ai-mutin, ohin.

Maske nune’e, Manuel Cárceres dehan BI ne’ebé daudaun atribui ba populasaun válidu, maske blanku laiha.

Bainhira mak blanku ne’e to’o iha Timór. “Ha’u maka iha aviaun rasik ha’u bele tula sasán ne’e mai kedas, más tanba sosa iha li’ur, tan ne’e ha’u mós seidauk hatene serteza bainhira maka to’o, maibé ha’u nia despaxu katak tenke mai lalais”.

Aleinde ne’e, hahú fulan janeiru tinan 2019, DNRN hatama reseita ba kofre Estadu hamutuk milliaun $1 maioria osan ne’e mai hosi trata pasaporte nian.

Jornalista: Antónia Gusmão

Editora: Rita Almeida

HAKEREK NO HATÁN

Please enter your comment!
Please enter your name here