Vise-Ministru Saúde Bonifácio Maukoli dos Reis. Foto António Goncalves

DILI, 15 maiu 2019 (TATOLI) – Governu konstitusionál da-ualu liuhosi Ministériu Saúde halo hela preparasaun ba infraestrutura hodi redús transferénsia pasiente ba estranjeiru.

“Minimiza transferénsia moras ba rai li’ur, primeiru maka tenke prepara infraestrutura, master plan (planu prinsipál) ba ONGV (Ospitál Nasionál Guido Valadares) komesa halo ona, hasa’e kapasitasaun rekursu umanu, liuliu espesialista sira”, afirma Ministru Saúde en ezersísiu, Bonifácio Maukoli dos Reis, ba jornalista sira iha Palásiu Governu hafoin partisipa enkontru Konsellu Ministru, ohin.

Maukoli haktuir planu prinsipál seluk mak haluan ONGV.

Nia dehan pasiente sira ne’ebé durante ne’e ONGV transfere ba estranjeiru barak liu mak sofre kankru. Tan ne’e, tinan oin governu liuhosi ministériu saúde sei estabelese sentru moras kankru iha Dili.

“Kombate moras sira, li-liu kankru maka ho medida vasina no mós oinsá konsensualiza komunidade para hakbesik ba sentru saúde hodi halo detesaun sedu ba moras kankru, tanba dala barak moras ida ne’e mai ho stadium (análize laboratóriu) tolu no haat, entaun labele salva”, akresenta.

Jornalista: Antónia Gusmão

Editora: Rita Almeida

Notísia relevante; http://www.tatoli.tl/2019/05/maioria-pasiente-kankru-mate-tanba-laiha-detesaun-sedu/

HAKEREK NO HATÁN

Please enter your comment!
Please enter your name here