Sekretáriu Estadu Komunikasaun Sosiál, Merício Juvinal dos Reis 'Akara'. Imajen Tatoli/Egas Cristóvão

MAUBISSE, 11 maiu 2019 (TATOLI)—Governu liuhusi Sekretaria Estadu Komunikasaun Sosiál (SEKOMS), lideradu Merício Akara, planeia harii edifísiu foun ba Rádio e Televisão Timor-Leste (RTTL, Ep) ho Agência TATOLI, I.P.

“Polítika jerál SEKOMS nian mak primeiru investe iha meiu komunikasaun sosiál, liliu mídia Estadu nian hodi harii edifísiu foun ba RTTL no Agência TATOLI. RTTL nian ita sei harii iha tinan oin no Agência TATOLI nia edifísiu sei harii iha tempu tuir mai,” Sekretariu Estadu Komunikasaun Sosiál, Merício Akara, ko’alia ba jornalista sira bainhira vizita Pouzada Maubisse, sábadu (11/5/2019).

Merício hatutan, planu harii edifísiu RTTL nian iha Aimutin no sei harii tan tore 13, nune’e komunidade hotu bele asesu ba televizaun.

Edifísiu Agência TATOLI, tuir nia, posibilidade sei harii iha área Caicoli, maibé oras ne’e Agência TATOLI nian foka haforsa rekursu umanu, tanba rekursu umanu uluk hafoin haree ba infraestrutura.

 Nia dehan, planu ne’e oras ne’e iha ona prosesu no presiza halo diskusaun tan hafoin implementa planu ne’e. “Mídia Estadu nian defende integridade Estadu no muda ema nia hanoin,” governante ne’e afirma.

Jornalista: Evaristo Soares Martins

Editór: Xisto Freitas

1 KOMENTÁRIU

HAKEREK NO HATÁN

Please enter your comment!
Please enter your name here