Prezidente CFP, Faustino Cardoso. Imajen/Egas Cristovão

DILI,(TATOLI)-Prezidente Komisaun Públika (CFP-sigla portugés), Faustino Cardoso, klarifika katak, CFP kontinua promove servisu ida ho profisionál liu tan  ba ninia sidadaun hodi hetan satisfasaun públika ba garante dignidade instituisaun.

Prezidente CFP  hato’o kompromisu ne’e hodi hatan ba preokupasaun no keixa hosi sidadaun sira tanba la satisfás ho atendimentu publiku hosi servidór estadu sira nudár funsionáriu  públiku.

 “Keixa sira ne’e ami simu balun liga ho prestasaun servisu, asedu seksuál, kazu profesór sira iha área remotas, hosi saúde simu preokupasaun tanba xefe sentru saúde sira  to’o ohin loron seidauk iha formalizasaun hodi simu sira ninia subsídiu”, hateten prezidente CFP, Faustino Cardoso, ba Jornalista sira iha Ospitál Nasionál Guido Valadares (HNGV-sigla portugés),  Tersa (16/4/2019), hafoin akompaña Vise Ministra ba Kuidadu Saúde Primáriu  nudár mós Ministra Saúde en Ezersísiu, Élia António de Araújo dos Reis Amaral, fó pose ba kargu xefia unidade iha HNGV.

Nia hatutan, atu hadi’a atendimentu servisu ba povu, maka CFP sei komunika ho ministériu relevante atu tau iha konsiderasaun. Maske nune’e, prezidente CFP la relata total númeru keixa hirak maka nia parte simu durante ne’e.

Jornalista: Agapito dos Santos

Editór: Francisco Simões

 

HAKEREK NO HATÁN

Please enter your comment!
Please enter your name here