Komisáriu KAK, Sergio Hornay. Imajen/António Gonçalves

DILI,(TATOLI)-Komisaun Anti Korrupsaun (CAC-sigla portugés) halo hela investigasaun no rekolla dadus ba kazu indikasaun korrupsaun hamutuk 40-resin.

“Kazu hirak ne’e iha ámbitu korrupsaun ninian, bele abuzu de podér, pekulatu de uzu, pekuluto, administrasaun de Nosa, elizíto , buat sira ne’e hotu, iha ne’e iha natureza krime”, hateten Komisáriu KAK, Sergio Hornay , ohin, iha Sentru Formasaun Judisiáriu, Caicoli, Dili, hodi responde Jornalista sira.

Kazu sira iha hela prosesu laran ne’e, tuir Komisáriu Sergio Hornay katak, balun  simu husi pesoál ne’ebé servisu iha administrasaun públika no sidadaun bai-bain,  durante fulan tolu hahú Janeiru to’o Marsu 2019.

Husi kazu sira ne’e, hateten Sergio Hornay, kazu 10 maka hetan ona akuzasaun no balun fali submete ona ba Ministériu Públiku (MP)

KAK iha diresaun investigasaun sentrál, unidade informasaun no seguransa ne’ebé nia kna’ar maka halo servisu intelijénsia no unidade investigasaun kriminál.

Jornalista: Agapito dos Santos

Editór: Francisco Simões

HAKEREK NO HATÁN

Please enter your comment!
Please enter your name here