Ministru Prezidénsia Konsellu Ministru, Hermenegildo Augusto Cabral Pereira. Imajen Egas Cristovão

DILI, (TATOLI) – Ministru Administrasaun Estatál en ezersísiu, Abílio José Caetano, ohin aprezenta sistema foun sobre jestaun lixu ba Konsellu Ministru (KM).

“Hosi metodolojia tuan ba metodolojia foun ho karreta no tratór iha fatin lixu Tibar presiza iha ona sistema modernu ida rekolla lixu iha Dili laran tomak ne’ebé ohin loron sai preokupasaun jerál”, dehan Ministru Prezidénsia Konsellu Ministru, Hermenegildo Augusto Cabral Pereira, ba jornalista sira iha Palásiu Governu hafoin enkontru.

Sistema foun ne’e nia dehan uza kontentór ho modelu veíkulu no ekipamentu movel, aumenta kualidade fatin soe lixu tuir padraun operasionál iha fatin soe lixu Tibar. Sistema jestaun rezíduu solidu urbanu ne’e aprova ona iha lei númeru 2/2017.

Objetivu seluk tuir komunikadu ne’ebé TATOLI asesu hatete hasa’e kualidade servisu rekolla rezíduu sólidu tuan  ba métodu rekolla mekánika.

Nune’e mós halo  transformasaun ba fatin soe  lixu iha Tibar hodi uza mekanizmu kontrolu ida ba rezíduu urbanu iha Dili.

Tuir komunikadu ne’e dehan modelu ne’e sai benefísiu prinsipál ba kapitál nasaun hodi hadi’a kualidade ambiente urbanu, hasae kualidade saúde, hamenus risku inundasaun no mós kriasaun empregu no hasae kreximentu iha área turizmu.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here