Diretór Nacional Empregu SEFOPE, Lucio Beretaci dos Santos, Imajen/Egas Cristovão

DILI, (TATOLI) – Traballadór timoroan iha Koreia Súl kontribui ona osan milliaun $45.073.359.38 mai Timor-Leste dezde 2009 to’o 2018 tuir dadus Sekretáriu Estadu Formasaun Profisionál no Empregu (SEFOPE).

Osan ne’ebé haruka mai ho montante ne’ebé iha ne’e mai husi traballadór timoroan sira hamutuk 3.254 ne’ebé serbisu iha país ne’e.

“Entre 3.254, sira ne’ebé fila ona mai iha ema 780 no to’o agora sira ne’ebé sei eziste iha 2.474”, Diretór Nasionál Empregu SEFOPE, Lúcio Beretaci dos Santos, informa  iha Kaikoli ohin.

Traballadór sira ne’e serbisu iha área ortikultura, peska no fábrika, maibé iha 2013 área ortikultura remata tiha no Governu Koreanu la kontinua nune’e daudaun hela de’it área rua ne’ebé timoroan sira sei serbisu bá.

Kona-ba rendimentu husi timoroan sira ne’ebé serbisu iha Korea ne’e, seidauk aplika taxa ba sira, maibé tékniku SEFOPE  hanoin atu kria baze legál ruma no levanta ona para superiór, membru Governu sira hanoin oinsá atubele estabesele ida ne’e.

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here