Fundador Empreza ENSUL, António Simoes Marques. Imajen Mídia PR

DILI, (TATOLI) – Konstrusaun Dili Financial Business Center (DFCB) ka Sentru Negósiu no Finansa gasta orsamentu ho montante milliaun $18.

Obra ne’ebé pertense ba empreza ENSUL ne’e lokaliza iha Kolmera, ho dimensaun 16.000 m². Oras ne’e hala’o konstrusaun atinje ona andar-lima hosi andar-sanulu no obra ne’e sei ramata iha tinan-2020 nia rohan.

Fundadór Empreza ENSUL Engenharia Timor-Leste, António Simões Marquês Couto, ne’ebé relata obra refere ba Xefe Estadu, Francisco Guterres Lú Olo, iha Palásiu Prezidente Nicolau Lobato, segunda ne’e katak edifísiu ne’ebé sei domina ho besi no vidru klasifika ho klase A no harii tuir padraun europeia no amerikanu.

Entretantu, ba emprezáriu ne’ebé hanesan mós Konsul Onoráriu Timor-Leste iha Porto, Portugal ne’e, Prezidente Repúblika hato’o nia apoiu no husu atu involve mós timoroan sira iha projetu ida ne’e, atu hetan esperiensia hodi hakbiit sira-nia án.

Empreza ENSUL Engenharia hala’o serbisu iha Timor-Leste dezde 2000, asina kontratu atu harii DFCB iha tinan-2012 no lansamentu ba konstrusaun ho fatuk-dahuluk realiza iha loron 16 Dezembru 2013.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here