Komandante Jerál PNTL, Komisáriu Faustinho da Costa no Segundu Komandante, Komisáriu Mateus Fernandes, ko'alia ba jornalista sira hafoin enkontru ho Prezidente Repúblika, Francisco Guterres Lú Olo, iha Palásiu Prezidente Nicolau Lobato, Bairru Pité. foin lalais. Imajen António Gonçalves

DILI, (TATOLI) – Komandante Jerál (Komjer) Polísia Nasionál Timor-Leste (PNTL), Faustinho da Costa, hateten ba futuru transporte iha Dili laran labele halai to’o tuku 17.00 de’it no mós loja sira.

“Mehi ne’ebé ami tau maka ba futuru kareta labele halai to’o tuku lima loraik de’it no loja sira labele loke to’o tuku lima loraik de’it, maibé bele to’o oras 24 nia laran”, Faustinho ba jornalista sira iha Palásiu Prezidente Nicolau Lobato, Bairru Pité, kinta ne’e hafoin soru-mutu ho Prezidente Repúblika, Francisco Guterres Lú Olo.

Nia dehan iha internalmente sira sei diskute oinsá atu hametin seguransa iha rai-laran para garante estabilidade.

Kona-ba kolokasaun personalidade Ofisiál Polísia Suku (OPS) ne’ebé limitadu, Faustinho hatán ne’e dezafiu interna ida ne’ebé tenke solusiona iha biban tuir mai.

“OPS iha fasilidade mínimu, maibé ha’u lakohi repete ida ne’e. Sira (OPS) dupla funsaun katak hala’o funsaun balun hanesan investigasaun iha munisípiu ho Polísia Eskuadra no mós hanesan OPS. Tanba ida ne’e maka ha’u lakohi promete maibé iha tempu tuir mai ami buka atu rezolve”, esplika.

Entretantu, nia haktuir objetivu nia ho Segundu Komjer PNTL, Mateus Fernandes, soru-mutu ho Xefe Estadu hato’o agradesementu ba Prezidente Repúblika tanba disponível marka ona prezensa iha aniversáriu PNTL ba dala XIX no tomada pose.

“Ba orgaun soberanu tomak ne’ebé maka marka prezensa iha aniversáriu PNTL no seremónia tomada pose, nu’udar meiu ida haforsa ami. Prezensa orgaun soberania sira ne’e signifika dezafia ami na’in rua para halo duni mudansa ba instituisaun PNTL”, nia dehan.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here