Ministra Finansa em ezersisiu, Sara Lobo Brites. Imajen Egas Cristovão

DILI, (TATOLI) – Ministra Finansa en ezersísiu, Sara Lobo Brites, hateten Banku Sentrál Timor-Leste (BSTL) ho Timor Gap konklui ona prosesu liuhosi asinatura protokolu atu bele halo transferénsia orsamentu ba Timor Gap hodi hola asaun ConocoPhillips ho Shell ho valór millaun $650.

“Ha’u orienta ona Banku Sentrál Timor-Leste atu halo ona transferénsia osan ba Timor Gap hodi sosa asaun, maibé horiseik entre sira asina ona protokolu, no hein de’it atu transfere osan ba Timor Gap hodi sosa asaun”, Ministra Finansa ba jornalista sira hafoin hasoru Primeiru-Ministru, Taur Matan Ruak, iha Palásiu Governu, ohin.

http://www.tatoli.tl/tag/pn-simu-ona-resposta-desizaun-fiskalizasaun-abstrata-lap-husi-tr/

Enkuantu, hasoru malu ne’e ninia parte informa preparasaun orsamentu 2020 no planu ministériu nian ba Xefe Governu atu hatene.

“Ministériu Finansa nia parte iha ona planu atu hahú prepara orsamentu 2020 nian iha maiu nia laran, ita presiza halo preparativu, tanba ne’e aproveita tempu ohin hodi informa ba Xefe Governu”, afirma.

Montante orsamentu ba 2020 nian, ministra hatán ida ne’e foin faze preparativu maibé to’o tempu governu sei fó sai.

Entretantu, programa prioridade ba finansa nian maka haree ba área jestaun finansa públika, lei tributária ho aduneira. Ida ne’e maka finansa presiza halo melloramentu hodi bele rekolle reseita no bele rasionaliza despeza ba konkorrente.

Jornalista : Zezito Silva

Editora: Rita Almeida

HAKEREK NO HATÁN

Please enter your comment!
Please enter your name here