Votasaun finál globál proposta lei Orsamentu Jerál Estadu (OJE) 2018 iha uma fukun Parlamentu Nasionál. Imajen António Goncalves

DILI, (TATOLI) – Parlamentu Nasionál (PN) iha plenária tersa ne’e halo votu pezar ba falesimentu Agustinho Pereira Mau Laku ho votu a favór 50.

Deklarasaun PN liuhosi Vise Sekretária dahuluk, Isabel Maria Sarmento, espresa Maulaku dedika ninia vida iha luta ba restaurasaun independénsia no sakrifísiu hirak ne’e hela nafatin iha ita nia memória.

“Iha momentu susar ne’e, Parlamentu Nasionál espesa profundu pezar ba falesimentu Agustinho Pereira Mau Laku no fó sentidu kondolénsia ba espoza, oan sira no família em lutada”, tenik.

Mau Laku hakotu iis iha loron 1 marsu 2019 iha Ospitál Nasionál Guido Valadares (HNGV-sigla portugés) ho idade 51. Mau Laku moris iha aldéia Lari, suku Waigai Bemasse, munisípiu Baukau iha loron 28 maiu 1968.

Deputada Bankada Frente Revolusionária Timor-Leste Independente (FRETILIN), Maria Angélica Rangel, hateten objetivu husi votu pezar ne’e, fó honra ba kompañeiru luta Mau Laku, ninia kontribuisaun iha luta independénsia.

Iha nia idade joven, Mau Laku envolve ativa iha luta kontra okupasaun Indonézia. Iha 1987 tama iha rede klandestina hanesan membru husi Organizasaun Juventude Estudante Timor Leste (OJETIL).

Iha 1993, tama iha organizasaun OBSLATIL, partisipa iha manifestasaun iha Tasitolu iha loron 12 outubru 1989, okaziaun vizita Santu Papa João Paulo II.

Iha janeiru 1990, partisipa iha manifestasaun iha otél Turizmu, okaziaun vizita Embaixadór Estadu Unidu Amérika (EUA).

Iha 1991 entegra iha manifestasaun 12 novembru no setembru 1992 kuandu transporta dokumentu komandu luta para responsável RENETIL ne’ebé ba partisipa konferénsia KTT Non Blok iha Jakarta, hetan kapurasaun husi militár Indonéziu sira no hetan prezu iha Baukau to’o 15 novembru 1993.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here