Sekretáriu Estadu Ambiente, Demétrio do Amaral de Carvalho. Imagen Egas Cristovao.

DILI, (TATOLI) – Sekretáriu Estadu Ambiente (SEA), Demétrio do Amaral de Carvalho, hatete sei prioridade ezekusaun orsamentu iha trimestre dahuluk maka prodús dekretu lei sobre proibisaun importasaun saku plástiku hodi reforsa rezolusaun Governu ba jestaun lixu no hamenus uzu plástiku iha instituisaun públika sira.

“Tuir fali maka asegura lisensiamentu ambientál sai iha nia tempu nomós halo monitorizasaun ba empreza sira ne’ebé hetan ona lisensa, nune’e garante kualidade ambientál iha sira-nia serbisu”, Demétrio dehan iha Bebora, ohin (28/2).

Aleinde ne’e estabelese instituisaun, depois Prezidente Repúblika promulga orgánika Governu nian maka tenke tau iha órden serbisu sira hotu.

Sobre dekretu lei proibisaun plástiku, Sekretáriu Estadu dehan sei lori ba Konsellu Ministru iha fin marsu.

Hatán kona-ba implementasaun polítika zero plástiku iha instituisaun Estadu ne’ebé maka Governu aprova foin lalais ne’e, tanba iha instituisaun balu seidauk implementa, Demétrio dehan SEA hala’o ona polítika ne’e iha nia edifísiu rasik.

“Ami implementa ona. Instituisaun seluk ami komunika, ne’e iha autoridade ida-idak nia, maibé iha ne’e ami lasosa aqua, ida ne’e dalan ida”, konklui.

Lee mós : http://www.tatoli.tl/2019/01/governu-aprova-politika-zero-plastiku/

http://www.tatoli.tl/2019/01/sea-sei-esforsu-dezenvolve-dekretu-lei-proibisaun-ba-importasaun-saku-plastiku/

Jornalista: Maria Auxiliadora

Editora: Rita Almeida

HAKEREK NO HATÁN

Please enter your comment!
Please enter your name here