DILI, (TATOLI) – Ministru Negósiu Estranjeiru no Kooperasaun (MNEK), Dionísio Babo Soares, akompañadu hosi Adjuntu Ordenadór Nasionál, Ivo Valente, enkontru ho Natalia Kanem, Diretora Ezekutiva ba Fundu Populasaun Nasaun Unida nian (UNFP-sigla inglés).
Tuir komunikadu MNEK nian, Diretora Ezekutiva ba Fundu Populasaun Nasaun Unida nian katak polítika no kompromisu Estadu mak halakon violénsia kontra feto.
“Bele haree hosi legislasaun lubuk ida ne’ebé regula oinsá polítika ba kombate krime hasoru feto, planu asaun anúal, involvimentu feto iha polítika no oinsá polítika reforsa feto sira-nia kbi’it ekonomia, sistema saúde ba feto, oinsá atendimentu partus iha sentru saúde, no UNFP fó atensaun mós atu investe iha kuidadu saúde ba feto (tratamentu saúde iha maternidade) no labarik feto iha Timor-Leste”, refere komunikadu MNEK nian ba TATOLI, kuarta loraik (27/2).
Tuir komunikadu ne’e parte rua kompromete atu serbisu hamutuk no buka fundu hodi halo kampaña no serbisu sobre violénsia hasoru feto no Ministru Babo Soares relata sei presiza orsamentu entre 5 to’o 10 milliaun dolar Amerikanu ba programa tinan lima nia laran hodi realiza programa refere.
Notísia relevante: http://www.tatoli.tl/2019/02/mnek-enkontru-ho-autoridade-fiji-ho-papua-gine-foun/?fbclid=IwAR0rITRXWC6tc6VfaY74KUVOGkUErmbCoMCXcQNJIpVfRVQn-1GBqdDVvrA
Jornalista: Rafy Belo
Editora: Rita Almeida
