Prezidente KFP, Faustino Cardoso. Imajen Egas Cristovão

DILI, (TATOLI) – Prezidente Komisaun Funsaun Públika (KFP), Faustino Cardoso, hatete promosaun grau ba funsionáriu hein rezultadu públikasaun hosi Jornál Repúblika depois Governu liuhosi Konsellu Ministru halo alterasaun ba artigu 7 dekretu lei númeru 1/2018.

Artigu 7 la define loloos no momoos, liga ho porsentazen hira maka sei kompete iha kada grau hosi totál vaga rihun ida resin ne’e.

“Bainhira dekretu lei ne’e promulga ona hosi Prezidente Repúblika no públika iha Jornál Repúblika faze tuir fali mai kabe ba governu atu halo definisaun vagas liuhosi rezolusaun governu, kuandu rezolusaun saida komisaun sei avansu promosaun”, dehan nia ba jornalista sira iha Palásiu Governu.

Tuir nia prosesu hotu la’o di’ak iha abril 2019 sei hahú ona prosesu teste promosaun ba funsionáriu sira.

Komisaun apresia desizaun governu da-ualu hodi halo alterasaun ba dekretu governu ne’e, apoiu komisaun ba aselera prosesu promosaun, tanba KFP oras ne’e halo ona preparasaun téknika.

Antes ne’e prezidente KFP hatete: “Pareser atu halo alterasaun ba dekretu lei númeru 1/2018, liliu iha artigu 7 atu define loloos no momoos ne’ebé liga ho porsentu 10  hosi vaga alvu promosaun ka hosi númeru kandidatu konkorente ba vaga ida. Ha’u fó ezemplu porsentu 10 ne’e maihosi vaga grau A ka grau B  ka grau B atu ba iha grau ne’e maka la hanesan, tanba ne’e dalan maka tenke halo alterasaun”.

Totál funsionáriu públika 33.000 resin  no tau hamutuk ho funsionáriu kazuál sira hamutuk rihun 40.000, tanba kazuál sira laiha baze dadus iha KFP, maibé iha payroll ne’ebé halo pagamentu salariál ba sira.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here