Prevedora Direitu Ema-nian no Justisa, Jesuina Maria Ferreira Gomes. Imajen Egas Cristovão

DILI, (TATOLI) – Provedór Direitu Ema-nian no Justisa (PDHJ-sigla portugés) lansa relatóriu monitorizasaun ba programa governu hanesan merenda eskolár, fatin detensaun iha polísia no prizaun, ho konkluzaun husu governu hadi’a governasaun di’ak hodi garante direitu ba sidadaun.

Prevedora Jesuina Maria Ferreira Gomes hatete rezultadu nota dadur sira iha komarka no detensaun oras 72 dala-barak sai vítima ba abuzu fíziku no violénsia. Prizaun Bekora, dadur barak liu, laiha ona espasu, fatin detensaun laiha livru rejista, laiha formuláriu tranferénsia no seluk tan.

“Ministériu Justisa no PNTL (Polísia Nasionál Timor-Leste) atu implementa lei nasionál no internasionál sira, liuliu liga ho respeita direitu dadur sira, oin ita haree laiha fatin detensaun ne’ebé halo separasaun entre feto ho mane, la asesu informasaun, la asesu ba advogado no defensoria públika”, katak Jesuina Maria.

Liga ho prizaun iha Kovalima, moru protesaun balun badak, sei fó ameasa ba direitu dadur sira, alende ne’e asesu ba saúde no informasaun seidauk la’o di’ak.

Ministru Justisa, Manuel Carcéres, hatete apresia ho rezultadu ne’e no promete sei hadi’a durante mandatu governasaun da-ualu.

Entretantu rezultadu monitorizasaun ba programa merenda eskolár ne’ebé hala’o iha munisípiu Baukau, Maliana, Oekusi no Same iha janeiru 2018 to’o setembru 2018 nota programa la’o la efisiente tanba kestaun alokasaun orsamentu.

Progarama monitorizaun ne’e hetan apoiu orsamentu hosi Ajénsia Estadu Unido ba Dezenvolvimentu Internasionáal (USAID-sigla inglés) no programa apoiu dezenvolvimentu Nova Zelándia durante tinan tolu 2016 to’o 2018 ho montante dolar rihun 523.

Lei númeru 7/2004 kona-ba estatutu PDHJ estipula mandatu no papel iha ámbitu supervizaun ba autoridade públika sira nia funsionamentu, partikularmente governu no ninia orgaun no entidade privada ne’ebé halo funsaun no servisu públiku liuhosi inkéritu kona-ba violasaun sistemátika ka jeneralizada hasoru diretu ema-nian no má administrasaun.

Monitorizasaun ba fatin detensaun 64 iha munisípiu sira  no prizaun iha kapitál, Ermera no Kovalima  ne’ebé hala’o iha janeiru 2017 to’o setembru 2018.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here