Primeiru-Ministru, Taur Matan Ruak, lidera enkontru Konsellu Ministru, kuarta, (21/9). Imajen António Goncalves

DILI (TATOLI)- Konsellu Ministrus ohin loron aprova ona rezolusaun rua ne’ebé estabelese polítika governu nian iha área Reforma Judisiária no Reforma Lejizlativa.

Tuir rezolusaun sira ne’ebé aprova tiha ona, ne’ebé propoin husi Ministru ba Reforma Lejizlativa no Asuntus Parlamentares, governu ne’e sei fó prioridade ba aprovasaun Lei ida husi Organizasaun Judisiária no atu kria mekanizmu foun rua ba solusaun husi konflitu sira. Mekanizmu sira ne’e – Konsiliasaun no Arbitrajen – sei implementa molok tinan 2020 ho objetivu atu hamenus prosesu pendente sira iha tribunál.

Hafoin ne’e,  Reforma Judisiária sei kria iha tribunál distritál sira, seksaun espesializada sira, iha tribunál distritál sira,  iha área oin-oin inklui direitu komersiál no kontratu sira, iha prazu tinan 3 to’o tinan 4.

Iha área Reforma Lejislativa prioridade agora daudaun husi governu ne’e maka atu hetan aprovasaun husi Parlamentu Nasionál lei Anti-korrupsaun nian, halo revizaun ba Lei Pensaun Vitalísia no aprovasaun kódigu konduta ba membru governu sira. Rezolusaun husi reforma Lejislativa ne’e estabelese mós prioridade ba aumentu kualidade lei sira. Sei aprova regra foun komún ne’ebé sei tuir kedas ba ministériu hotu-hotu iha redasaun husi lei no dekretu sira.

Tuir komunikadu ne’ebé Tatoli Asesu hosi mídia Ministériu Reforma Lejizlativa no Asuntu Parlamentár (MRLAP), objetivu ba reforma Judisiária no Lejizlativa ne’e atu garante ba sidadaun sira, iha nasaun laran tomak, asesu di’ak liután ba justisa no iha koñesimentu kona-ba lei, inklui mós tradusaun balun ba Lia-Tétun.

Aleinde ida ne’e, durante tinan haat oin mai sei lansa kampaña foun sosializasaun kona-ba direitu sidadaun sira no asesu ba sistema justisa.

Jornalista : Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here