Ministru Reforma Lejislativa no Assuntu Parlamentar, Fidelis Leite Magalhães. Imajen: Antonio Goncalves

DILI, (TATOLI) – Governu da-ualu liuhosi Ministériu Reforma Lejizlasaun no Asuntu Parlamentár (MRLAP) identifika ona lei hamutuk 60 atu reforma hodi apoia funsionamentu makina Estadu nomós lei sira ne’ebé sei fó benefisiu diretamente ba povu.

“Iha programa governu hatuur ona iha lei 60, ami tenke tau matan hodi falisita ita nia instituisaun Estadu sira atu funsiona”, hatete ministru Fídelis Leite Magalhães ba jornalista sira iha Palásiu Governu, ohin.

Lei hirak ne’e hanesan pensaun vitalísia, lei anti korupsaun, lei investimentu, lei balun ne’ebé iha relasaun ho kazamentu sivíl no lei sira seluk tan.

Atu  konkretiza polítika reforma, nia dehan tenke estabelese pontu fokais iha liña ministeriál no hametin liután kooperasaun hodi identifika lei saida maka presiza atu reforma.

Alende lei 60, posbilidade reforma mós lei seluk bainhira  kada minsitériu, instituisaun Estadu sira sujere atu reforma  nomos lei sira  ne’ebé aprezenta hosi  sidadaun kiik ne’ebé nesesariu duni atu implementa, maibé tenke liuhosi konsultasaun públika.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here