iklan

DILI, MUNISÍPIU

KONSSANTIL-FAO Halo Evaluasaun Servisu Hamutuk

KONSSANTIL-FAO Halo Evaluasaun Servisu Hamutuk

Loggo FAO.

DILI, (TATOLI) – Komisaun Nasionál Servisu Tékniku ba Nutrisaun (KONSSANTIL) ohin enkontru ho organizasaun agrikultura no ai-han mundiál hosi Nasaun Unida (FAO-sigla inglés) hodi halo revizaun ba rezultadu servisu durante 2018 hodi hadi’a di’ak liután ba tinan oin bazea ba politíka KONSSANTIL maka hasa’e nutrisaun no produsaun agrikula nomos sosiu ekonómiku komunidade.

“Reuniaun ne’e hodi haree kona-ba nutrisaun, liuliu produsaun agrikola, tanba ita haree dadus ita nia komunidade, labarik sira tinan lima ba kraik sei menus nutrisaun”, hateten Sekretáriu Jerál Ministériu Agrikultura no Peska, atúal Sekrétariu KOSSANTIL, Cesar José da Cruz, iha Palásiu Governu, ohin.

KOSSANTIL harii iha tinan 2017 bazea ba deklarasaun Komoro 2012 ne’ebé kompostu hosi Ministériu Agrikultura no Peska, Edukasaun, Saúde, Obras Públikas, Ministériu Solidaridade Sosiál ne’ebé durante ne’e hetan parseiru ho FAO hodi implementa iha terenu.

Programa merenda eskolár parte ida hosi implementasaun polítika governu liuhosi KONSSANTIl, tanba MAP hasae produsaun agrikola, enkuantu saúde no edukasaun haree kona-ba ijiene no nutrisaun.

“Diversifikasaun ai-han la’ós de’it foos no batar maibé ai-han hotu ne’ebé iha karbohidratu no tenke haree mós nutrisaun sira hanesan minerál no proteina”, tenik tan.

Hosi enkontru ne’e, Sekretariu Jerál ne’e husu liuliu ba liña minsteriál sira atu hametin liután koordenasaun servisu.

Jornalista: Agapito dos Santos

Editora: Rita Almeida

iklan
iklan

Leave a Reply

iklan
error: Content is protected !!