Retratu komunidade ne'ebé kontinua hasoru difikuldade ba bee moos. Foto irinnews.org

DILI, (TATOLI) – Prezidente Parlamentu Nasionál, Arão Nõe de Jesus, hodi Parlamentu Nasionál hato’o parabens ba povu no veteranu sira relasiona ho komemorasaun loron konsulta populár 30 agostu 1999 ba dala 19, aban.

Prezidente Parlamentu Nasionál, Arão Noe, bainhira prezide mesa Parlamentu Nasionál durante diskusaun jeneralidade proposta Orsamentu Jerál Estadu 2018. Foto António Goncalves

ʺHa’u hato’o hau nia parabens ba povu tomak, liuliu sira ne’ebé iha 1999, risku tomak maibe hakat neneik to’o iha sentru votasaun hodi ezerse diretu vota hodi determina ita nia independensiaʺ, hateten PPN iha parlamentu, ohin.

Atu atinje objetivu ba moris di’ak, Prezidente PN husu kontribuisaun povu hodi garante pás no hakmatek hodi dudu dezenvolvimentu.

ʺMai ita kontribui ba dezenvolvimentu rai ida ne’e liuhosi kria estabilidade, kria intendementu polítiku, nune’e dezenvolvimentu ida ne’e bele la’o nafatin tuir sistema demokrátikuʺ, apela.

Tuir deputadu partidu CNRT ne’e ferias nasionál aban nu’udar dignifikasaun no valorizasaun ba loron istóriku.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here