Ministru Prezidensia Konsellu Ministru, Hermenegildo Augusto Cabral Pereira.

DILI (TATOLI) – Governu liuhosi reuniaun Konsellu Ministru (KM), aprova ona Lei Orgánika VIII Governu Konstitusionál, hodi define konaba estrutura governasaun.

Ministru Estadu Prezidénsia Konsellu Ministrus, Agio Pereira haktuir ohin ezekutivu sira konsege halo diskusaun kle’an hafoin finaliza no aprovasaun.

“Ohin reuniaun estraordináriu Konsellu Ministrus nian, hare asuntu ida de’it konaba orgánika oitavu Governu Konstitusionál nian, ne’ebé halo diskusaun kleur no kle’an dala barak ona, no ohin mak foin finaliza ho konkordánsia hotu-hotu nian, hafoin aprovadú husi Konsellu Ministrus”, tenik ba jornalista sira iha Palásiu Governu hafoin remata reuniaun ezekutivu ne’e, ohin.

Governante ne’e informa, aban lei ne’ebé aprovadu ona sei lori ba Prezidente Repúblika, Francisco Guterres Lú Olo hodi hare.

“Aban sei hato’o ba Prezidente Repúblika, orgánika ne’e importante tanba nia klarifika organizasaun estruturál oitavu governu konstitusionál nian, ne’ebé sei iha impaktu mós ba planeamentu Orsamentu Jerál Estadu tinan 2018 no tinan-tinan ne’ebé mai, to’o tinan 2023”, nia esplika.

Hodi subliña tan katak, reuniaun estraordinária ohin importante tebes atu avansa prosesu governasaun foun ne’e.

Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here