Priscília Lizeti Lopes Dimond

SUAI, (TATOLI)-Orgullu! Priscília Lizeti Lopes Dimond (tinan 31), feto timoroan, enfermeira ida, hela no serbisu iha Austrália, sai nu’udar forsa áerea australiana, fila serbi timoroan sira liuhusi asisténsia médika, promove husi Pacific Angel 2018, iha Suai-Kovalima.

“Primeravez ha’u mai iha Suai. Ha’u moris iha Díli, hela kle’ur iha Austrália. Ha’u mai hamutuk ho forsa Amérika fó oportunidade ba ema lokál sira hodi halo tratamentu ba sira-nia saúde,” informa Priscília ho lian tetun ne’ebé mós loos, maske sai husi Díli sei ho tinan sia, iha Eskola sekundária Públika nú.01 Seran Kote, Suai Vila, Munisípiu Kovalima, ohin.

Nia akresenta durante loron hirak iha Timor-Leste nia sente di’ak tebes ho komunidade sira tanba kumprende malu tebes.

“Kle’ur ona ami kumprende malu,” subliña enfermeira Priscília Lizeti, inan husi oan na’in tolu; Olívia Robert Chiquita Dimond, Sofia Mezita Dimond, terseiru Georgia Dimond. Feto hotu.

Feto isin-mutin ain aas, hamnasa midar ho ala militár ne’e konta tuir katak nia moris iha Díli no hela iha Bobonaro, Maliana kle’ur, durante tinan lima. Maibé iha 1996 nia muda ba iha Austrália, eskola no boot iha ne’ebá. Ikus mai iha 2007 nia deside tama forsa defeza Austrália ninian, to’o agora.

“Iha dois mil sete ha’u tama forsa Austrália. Tanba konfuzaun iha Díli, iha 1996 ha’u ba Austrália hela no eskola to’o universidade, ha’u enfermeira,” informa alin husi Rui Mesis (kazadu) no bin husi Pedro Mesis. Priscília Lizeti Lopes ne’e oan klaran.

Fuan domin husi Rui Mesis no Lizeti Lopes da Cruz ne’e, agora moris nu’udar umakain ona ho oan hamutuk na’in tolu mesak feto, maibé nia fuan sorin ka kaben, Gregory Dimond-Australianu, mak haree oan sira. “Ha’u-nia katuas-oan mós forsa defeza ida,” hakotu forsa áerea australiana, ne’ebé hela iha Darwin ne’e ho hamnasa midar.

Jornalista: Rafy Belo

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here