Foto/MPF.

DILI, (TATOLI) – Ezekusaun Dotasaun Orsamentál Temporária (DOT) iha abríl 2018 konsege atinje porsentu 64.8 husi totál orsamentu hamutuk millaun U$113,940,534 ne’ebé inklui empréstimu.

Tuir portál Ministériu Planu no Finansas (MPF) ne’ebé Tatoli asesu ohin, katak kompozisaun kona-ba ezekusaun duodésimu fulan kotuk mak saláriu no vensimentu porsentu 67.2, bens no servisu porsentu 42.6.

“Kapitál dezenvolvimentu porsentu 52.7, transferénsia públika porsentu 55.3 no despeza kontijénsia porsentu 67.1”, hatete iha portál ne’e.

Sobre realizasaun DOT marsu nian atinje porsentu 50 husi totál osan millaun U$104,631,399 ne’ebé esklui empréstimu nian.

Ezekusaun DOT marsu mak saláriu no vensimentu porsentu 68, bens no servisu 48, kapitál dezenvolvimentu porsentu rua, transferénsia públika 78 no despeza kontijénsia 20.

Iha duodesimál fevereiru nia alkansa porsentu 60.2 husi totál kustu hamutuk millaun U$102.952.940 ne’ebé esklui emprestimu.

Progresu kona-ba ezekusaun DOT fevereiru mak hanesan saláriu no vensimentu porsentu 88.1, bens no servisu 39.5, kapitál dezenvolvimentu 55.3, transferénsia públika 63.6 no despeza kontijénsia 76.1.

Iha ezekusaun DOT janeiru atinje porsentu 66 husi orsamentu hamutuk millaun U$101.168.285.

“Kona-ba ezekusaun DOT fulan-janeiru 2018 mak hanesan saláriu no vensimentu porsentu 83.5, bens no servisu porsentu 44.9, kapitál dezenvolvimentu porsentu 64.3, transferénsia públika porsentu 85.3 no despeza kontijénsia porsentu 96.6”.

Entantu iha duodésimu maiu nian daudaun sei iha faze ezekusaun no orsamentu ne’ebé aloka hamutuk millaun U$105,4.

Jornalista: Maria Auxiliadora

HAKEREK NO HATÁN

Please enter your comment!
Please enter your name here