Prezidente Funsaun Públika, Faustino Cardoso. Foto KFP

DILI, (TATOLI) – Prezidente Komisaun Funsaun Públika, Faustino Cardoso, hateten sei prosesa Funsionáriu Públiku ne’ebé viola regras hanesan funsionáriu Estadu iha kampaña bainhira simu relatóriu hosi Provedoria Direitu Umanu no Justisa (PDHJ-sigla portugés).

Mesmu PDHJ identifika ona funsionáriu balun abandona serbisu no uza patrimóniu Estadu hodi tuir kampaña partidu polítiku, maibé KFP seidauk simu relatóriu.

“Sira ne’ebé la tuir prosedementu, ami hein atu prosesa bainhira relatóriu tama iha ami nia fatin”, dehan Faustino Cardoso iha Villa-Verde, ohin.

Sansaun tuir lei funsaun públika maka hahú hosi repreensaun eskrita to’o demisaun hosi servisu. “To’o ohin loron ami seidauk simu relatóriu hosi instituisaun ne’ebé de’it maibé ami fiar eleisaun hotu ami sei simu”, realsa.

Funsionáriu 135 maka identifikadu naran tama iha lista kandidatura ba Parlamentu Nasionál, maibé 90 maka hetan lisensa hosi komisaun antes kampaña, enkuantu restu seluk goja hela lisensa anuál no lisensa seluktán.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here