Foto google

DILI, (TATOLI) – Institutu Siénsia Saúde (ICS-sigla iha portugés) ohin apoiu orsamentu no rekursu umanu hanesan parteira no enfermeiru hodi garante funsionamentu nune’e hakmaan krize ne’ebé akontese iha Klínika Bairru Pité.

Fundadór prinsipál ICS, Antonio Moreira, hateten apoiu ne’e hanesan responsabilidade morál nu’udar sidadaun hodi garante ezisténsia klínika hodi fó asisténsia saúde ba povu kbiit laek sira.

ʺAmi apoiu infermeiru, parteira no orsamentu bazea ba ami nia kbiit, maibé montante ami sei la fó sai ba mídiaʺ, dehan iha Klínika Bairru Pité, ohin.

Nia hatutan kolokasaun pesoál saúde sira ne’ebé koloka to’o funsionamentu Governu da-ualu la’o di’ak.

ʺAmi iha kapasidade atu apoiu rekursu umanu to’o nain 10 depende nesesidade klínika iha ne’eʺ, tenik.

Hosi parteira no enfermeiru hirak ne’e balun hasai lisensiatura iha Indonézia, Singapura no iha rai laran.

Entretantu, fundadór klínika, dr. Daniel Murpy, hateten agradese ba inisiativa hosi ICS hodi hakmaan ona klínika ne’e.

ʺAmi kontente tanba konserteza atu rezolve servisu barak paradu, kuandu parteira, enfermeiru no osan iha ha’u gosta servisu hodi ajuda povu Timorʺ, hateten Murpy.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here