Sekretáriu Estadu Komunikasaun Sosiál no Konselhu Ministru, Matías Boavida. Foto Tatoli/Julia Chatarina

DILI (TATOLI) – Governu liuhosi reuniaun Konsellu Ministru (KM), aprova proposta dekretu lei estatutu Kompañia Murak Rai Timor, SÁ hodi hala’o atividade ne’ebé aprezenta husi Ministru Estadu no Ministru Rekursu Minerais, Mariano Asanami Sabino.

Sekretáriu estadu konsellu ministru no komunikasaun sosiál, Matias Boavida informa, Kompañia Murak Rai Timor, SÁ ho kapitál sosiál totalmente estatál nian, ho objetivu atu realiza atividade minerais inklui atividade ba rekoñesementu peskiza, avaliasaun, dezenvolvimentu, esplorasaun no tratamentu halo prosesamentu refinasaun no komersializasaun ba rekursu minerais.

“Empreza ne’e permite atu estadu opera setór mineiru ne’ebé garante no dezenvolve setór rekursu minerais, liu-liu ba fontes rendimentu nasional no aumenta emprega sidadaun nasionál”, tenik Matías Boavida ba jornalista sira hafoin reuniaun ezekutivu ne’e remata, ohin iha Palásiu Governu.

Murak Rai Timor, SA sei sai hanesan sosiedade komersiál direitu privadu nian no kapitál integrál públiku. Medida ne’e tama iha estratéjia Governu nian kona-ba harii instituisaun ne’ebé garante dezenvolvimentu setór ekonómiku ho nia poténsia boot hodi kontribui ba diversifikasaun ekonomia ne’ebé maka fundamentál.

Hafoin iha loron 6 Juñu 2017, dekretu lei kriasaun empreza nasionál mineira ne’e hetan revizaun no aprovasaun tan hafoin hetan sujestaun husi Prezidente Repúblika atu adapta tuir Rejime Jerál Aprovizionamentu nian.

Faze dahuluk Governu sei tau orsamentu US$ 400 mil hodi ajuda dezenvolvimentu iha prosesu deversifika fundu reseita ba futuru.

Jornalista: Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here