PPN iha direitu prerrogativu Lori OR Ba Plenaria

0
146

DILI, (TATOLI)-Sekretáriu Estadu Konsellu Ministru no Komunikasaun Sosiál, Matias Boavida, esplika Parecer tékniku proposta Orsamentu Retifikativu  (OR) ne’ebé la pasa husi Komisaun C, horisehik, Prezidente Parlamentu Nasionál iha direitu prerrogativu (espesiál) atu ajenda OR ba plenária Parlamentu Nasionál.

“Ne’e lá signifika katak sira vota kontra Orsamentu Retifikativu, ninia urjénsia ne’e seidauk to’o tempu atu ko’alia kona-ba Orsamentu Retifikativu, ne’e katak mai to’o iha plenária bele deside buat seluk,” Porta Vós Governu ne’e dehan iha Palásiu Governu, horisehik.

Enkuantu Governu hanoin katak OR importante importante tanba iha situasaun atuál ne’e atu hatán uluk momentu emerjénsia hanesan nesesidade bázika, Ministériu Saúde nia urjénsia ne’ebé boot tebes no kazu veteranu balun tenke evakua bá rai-li’ur no Timor-Leste presiza selu dívida ne’ebé iha ospitál estranjeiru.

Ho kondisaun hirak ne’ebé ne’e, Matias dehan sei halo sei halo aprosimasaun polítika hodi konvense Bankada Opozisaun sira.

“Diálogu sira ne’e atu halo mós ida ne’e, agora ida ne’e sei la ultrapasa buat hotu bainhira deputadu sira-nia konxiénsia hanesan timoroan iha. Ne’e ita tenke sura mós tanba para o bem do Estado, para o bem da população oras ne’e daudaun ita presiza tebes atu halo urjénsia ba kestaun sira ne’ebé mak ita hasoru,” Matias konklui.

(Jornalista : Maria Auxiliadora)

(Editór : Manuel Pinto)

HUSIK IDA HATÁN