Agostu FDCH Públika Dadus Rekursu Umanus

0
178
Sekretáriu Exekutivu, Isménio Martins. Foto: FDCH

DILI (TATOLI)-Sekretáriu Exekutivu FDCH (Fundo Desenvolvimento Capital Humano), Isménio Martins informa katak, iha fulan Agostu FDCH públika ona ita-nia relatóriu levantamentu dadus rekursu umanus ne’ebé rekolla hahú 2016, durante fulan neen, husi populasaun tinan 17 ba leten iha Timor-Leste.

Data entry remata ona, iha seiscentos mil trezentos quarenta e quatro, ita konsege atinji 82 pursentu, kuaze respondente ne’e iha quinhentos e vinte quatro, agora ita tama ona ba iha prosesu análize dadus,” sekretáriu FDCH, Isménio Martins informa ba ajénsia TATOLI, iha Ministériu Negósiu Estranjeiru no Kooperasaun, Praia dos Coqueiros, Dili, ohin, Tersa (04/07).

Dadus rekursu umanus ne’eb’e mak sei públika rekolla husi funsionáriu provizóriu na’in 139, análize husi FDCH no apoiu husi Universidade Vitória, Austrália liuhusi nia institute ida naran VICES (Victorian Institute for Economic Studies).

Ismenio garante katak, dadus ne’ebé rekollidu garante mós ninia kredibilidade no imparsialidade.

“Atu haree dadus ne’e katak la’ós ita mesak mak haree rasik, depois ita presiza mós terseira opiniaun atu bele ajuda garante iha kualidade ba iha ita-nia analiza,” Ismenio konklui.

Notísia relevante, klik iha: http://www.tatoli.tl/2017/06/fdch-fo-sertifikadu-ba-funsionariu-nain-139/

(Jornalista: Rafy Belo, Editór : Manuel Pinto)

 

HUSIK IDA HATÁN