FDCH Fó Sertifikadu Ba Funsionáriu Na’in 139

0
147
Sekretário Exekutivu FDCH, Isménio Martins da Silva fó sertifikadu apresiasaun ba funsionáriu temporariu. FOTO Media FDCH

DILI (TATOLI)— Sekretáriado Fundo Desenvolvimento Kapitál Úmano (FDCH) fó sertifikadu apresiasaun ba funsionáriu temporariu hamutuk na’in 139 hafoin remata tiha sira ninia servisu nu’udar tékniku Kodifikasaun , entrada de dadus no enumerador durante fulan neen.

Servisu Kodifikasaun no entrada de dadus hanesan kontinuasaun servisu husi estudu FDCH kona-bá Levantamentu Dadus Rekursu Umanus Ezistentes iha teritoriu tomak husi idade 17 ba leten ne’ebé hala’o iha tinan 2016.

Iha serimonia entrega sertifikadu apresiasaun ne’ebé hala’o iha salaun Ministeriu Solidariedade Sosiál ne’e  Sekretário Exekutivu FDCH, Isménio Martins da Silva agradese no apresia ho timoroan hirak ne’e ninia servisu tanba  ko

Funsionariu temporariu sira
FOTO Media FDCH

nsege hola parte hodi finaliza servisu importante ne’ebé FDCH iha.

“Hakarak nafatin agradese ba ita boot sira nia kontribuisaun hotu-hotu,  se ita ko’alia kona-ba istória ami sei temi ita- boot sira idak-idak iha ami nia relatoriu, hahú kedas husi ita rekolla dadus, hatama dadus depois balun konsege ajudatan iha prosesamentu dadus sira seluk,” Isménio Martins haktuir iha ninia diskursu.

Isménio Martins mós apresia ho servisu hamutuk entre FDCH ho Diresaun Jerál Estatistika (DGE) Ministériu Financas tanba durante ne’e iha koordenasaun ida ne’ebé di’ak tebe-tebes.

Iha fatin hanesan Diretór Jerál. Silvino Lopes hateten funsináriu hirak ne’e partilla ona servisu sira ne’ebé importante iha area peskiza ninian.

“Intermus de estatistika ita boot sira   partila ona iha servisu rua ne’ebé estatistika iha, primeiu ko’alia kona-ba peskiza, Segundu data processing, analiza no desiminasaun, maske iha rua ne’e ita boot sira seidauk tama iha ne’ebá,” Silvino haktuir.

Servisu ne’ebé funsinariu sira  ne’e hala’o importante tebe-tebes tanba husi sira nia servisu maka bele iha dokumetu sira imporatnte molok hakat ba iha etapa analiza de dadus no desiminasaun ninian.

Objetivu jerál husi levantamentu (peskiza)  ne’e nian maka atu identifika no analiza situasaun rekursus umanus atuais no nia distribuisaun iha territóriu tomak. (*/TATOLI)

 

 

 

HUSIK IDA HATÁN