Prezidente Repúblika, José Ramos Horta. Imajen Tatoli/António Daciparu

DILI, 24 juñu 2022 (TATOLI)— Prezidente Repúblika, José Ramos Horta, husu ba Governu atu servisu maka’as kombate má nutrisaun  hodi hadi’a saúde ne’ebé di’ak ba ema hotu iha Timor-Leste.

Xefe Estadu hato’o asuntu ne’e bainhira hamutuk ho Ministériu Saúde no Programa Ai-han Mundiál (WFP) distribui ai-han superseriál ba grupu vuneravél liuliu inan isin-rua no inan fó susu-sira ne’ebé sofre má nutrisaun, iha Sentru Saúde Comoro, postu administrativu Dom-Aleixo, munisípiu Dili.

“Ita haree sub nutrisaun ba infantil sira nafatin probelma iha ita-nia rain. Tanba ne’e husu ita hotu kontribui hodi kombate má nutrisuan iha futuru,” PR Horta, hateten iha ambitu serimonia fahe superserial ba inan isin rua no inan fó susu iha Sentru Saúde Komoro ohin.

Governu tenke define didiak  prioridade naisonál liuliu kombate  má nutrisaun ba inan isin-rua no labarik kiik sira ne’ebé mak foin moris  tanba kestaun etika no moral ba futuru nasaun nian.

“Husu ba inan sira tenke eduka labarik sira atu han ai-han ne’ebé saudavél, nune’e bele hadiak nutrisaun ne’ebé diak no husu ba inan sira evita fó susu been formula ba oan sira, hodi fó susu been inan hodi fó saude di’ak ba kosok-oan sira,” Xefe Estadu sujere.

Ministra Saúde, Odete Maria Freitas Belo. Imajen Tatoli/António Daciparu

Iha biban hanesan, Minsitra Saúde, Odete Maria Freitas Belo, afirma atu kombate má nutrisaun iha país ne’e Ministériu saúde la servisu mesak, maibé hamutuk ho ajénsia sira, liuliu Progama Ai-han Mundiál (WFP), UNICEF, Organizasaun Mundiál Saúde (OMS).

“Ita hamutuk ho ajénsia sira hanesan fahe ai-han superseriál ka aihan ne’ebé mak riku ho vitámina ba inan isin rua ne’ebé mak sofre má nutrisaun hodi hadia sira nia saúde ba futuru,” Governante ne’e akresenta.

Nune’e, MS husu ba profisionál saúde sira uza estraratéjia hodibele redús má nutrisaun liuhosi programa servisu saúde  na familia.

Embaixadór Repúblika Populár Xina, Xiao Jianguo. Imajen TATOLI/Francisco Sony

Entretantu, Embaixadór Repúblika Populár Xina iha Timor Leste, Xiao Jianguo, afirma distribui ai-han superseriál ba inan isin-rua no inan fó susu ne’ebé durante ne’e enfrenta má nutrisaun iha Timor-Leste.

“Má-nutrisaun ba inan isin-rua no labarik sira sai problema ne’ebé mak agora akontese iha Timor-Leste. Nune’e Governu sira kompromete fó tulun ba Governu Timor-Leste atu kombate má nutrisaun ba inan isin-rua no inan fó susu sira,” Diplomata Xina ne’e kompromete.

Programa Ai-han Mundiál (WFP) fó doasaun fundu milliaun $1 hodi  sosa ai-han superseriál hodi distribui ba grupu vuneravél sira.

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here