Komandante PNTL Munisípiu Covalima, Superintendente Basílio de Jesus. Imajen Tatoli/Celestina Teles.

COVALIMA, 24 juñu 2022 (TATOLI)—Komandante Polísia nasionál Timor-Leste (PNTL) munisípiu Covalima, Superintendente Basilio de Jesus, informa hosi fulan-janeiru to’o fulan-maiu tinan ne’e, Komandu PNTL Covalima rejista kazu hamutuk 54.

Notísia Relevante: PNTL-VPU Covalima rejista kazu violénsia doméstika haat

“Ha’u atu dehan ba ita-boot sira katak ha’u asume komandante PNTL iha Covalima, hahú hosi fulan-janeiru tinan 2022 kuaze PNTL Covalima menus rejista kazu iha komandu Covalima maibé konsege rejista kazu hamutuk 54,” Komandante PNTL Covalima, Superintendente Basilio de Jesus, relata ba Agência Tatoli, iha salaun komandu PNTL Covalima, kinta ne’e.

Tipu Kazu ne’ebé komando rejista hanesan, Asaltu, Violénsia Domestika, alfandega, omesidiu, asaltu sexual, furtu, suisidiu, ameasa, rai no propriedade, tránzitu no imigrasaun.

Dadus estatistika komandanto PNTL hahú fulan janeiru to’o maiu rejista kazu 54 no hosi númeru ne’e kazu asaltu aas hamutuk 24, violénsia domestika 10, alfandega hitu (7), ameasa neen (6), imigrasaun tolu (3), omesídiu ida (1), tranzitu ida (1) no rai no propriedade ida (1)

Aleinde rejista kazu kriminál, komandu PNTL Covalima mós rejistu asidente no inflasaun tranzitu, hahú iha janeiru to’o fulan-maiu hamutuk 430. Hosi númeru ne’e, data inspesaun liu prazu hamutuk 192, la lori dokumentu 122, kontra orden autoridade 54, asidente tráfiku 26, karta kondusaun mate 19, la uza kapasete 15 no kanek todan rua (2).

Ho nune’e, hosi kazu asidente sira-ne’e komandu PNTL haruka kazu sidadaun mate rua lori prosesu ba iha tribunal no kazu 24 rezolve liuhosi aproximasaun família.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here