Sekretária Rejionál ba Asuntu Edukasaun, Solidariedade Sosial no Inkluzaun, Avelina da Costa. Imajen Agência TATOLI /Abílio Elo Nini.

OÉ-CUSSE, 24 juñu 2022 (TATOLI) – Autoridade Rejiaun Administrativa Espesiál Oé-Cusse Ambeno (RAEOA), liuhosi Sekretária Rejionál ba Asuntu Edukasaun Solidariedade Sosiál Inkluzaun, aloka $266,850.00 hosi Orsamentu Jerál Estadu (OJE) 2022 sosa mobiliáriu ba eskola sira iha territóriu Oé-Cusse.

“Mobiliáriu sira agora prosesa ona, tanba rezultadu konkursu públika ona, ami hatudu ona sampel ba empreza atu haree, ami hanoin katak ha’u rekomenda ba empreza atu hatama sampel idak-idak mai atu ita haree, sera ké loos ona tuir saida mak ita rekomenda ba ita propoin ba bele halo produsaun barak, tuir montante ne’ebé husu ho orsamentu,” Sekretária Rejionál ba Asuntu Edukasaun Solidariedade Sosiál Inkluzaun, Avelina da Costa hatete iha Oé-Cusse, sesta ne’e.

“Agora kalendáriu atu hahú ninia serbisu atu sosa, tanba ne’e ita atu rekomenda antes sosa montante meja no kadeira barak persiza hatudu ninia ezemplu ba edukasuan atu haree, tanba diferenti, eskola báziku, pratileira ho pre-eskolár nian,” nia afirma.

Autoridade ne’e fó-sai katak, orsamentu atu sosa mobiliáriu ne’e kobre eskola sira hotu iha territóriu Oé-Cusse, tanba iha 2021 autoridade RAEOA halo konstrusaun foun ba eskola hamutuk unidade 14, no hirak-ne’ebé eziste ona maibé meja kadeira ladauk to’o entaun kompleta inklui manutensaun ba EBF sanulu ne’e.

Nune’e empreza ne’ebé sai manán iha konkursu ba fornesimentu mobiliáriu ba eskola sira iha RAEOA, hosi empreza VITARLY Unip, Lda, ho valór kontratu $249,890.96.

EBF hamutuk 71, EBC 20, ESG públiku no privada hamutuk lima (7), purtantu ba eskola Téknika Vokasionál iha haat (4), no eskola Pré-eskolár 14, nune’e totál eskola públika iha Rejiaun Administrativa Espesiál Oé-Cusse Ambeno hamutuk 104, no eskola privada 12, totál hamutuk 114.

Jornalista   : Abílio Elo Nini
Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here