Responsável Ajénsia New Generation, Francisco Fernandes Ximenes. Imajen Tatoli/Jogerjo Guterres.

DILI, 24 juñu 2022 (TATOLI)—Responsável Ajénsia New Generation, Francisco Fernandes Ximenes, hateten ninia ajénsia ne’e la’ós Partidu Os Verde de Timor nian maibé ajénsia ne’e ninia rasik.

Notísia Relevante: New Generation justifika la ko’a joven nia isin antes ba Portugál

“Ha’u konsilleiru Partidu Os Verdes de Timor, ha’u iha palku identiku ho Partidu Os Verdes de Timor, maibé não me digas ha’u atu halo uma mós, uma ne’e naran mós Verde, atu sosa karreta ida mós tau naran Verde, halo to’os ida mós naran Verdes, ha’u hanoin lae. Os Verdes de Timor ne’e nu’udar partidu polítika ida,” nia dehan.

Nia hatutan, polítiku partidu polítika Os Verdes de Timor iha ninia estrutura rasik hanesan Prezidente ho ninia vise-prezidente no seluk tán.

“Ha’u hanoin kona-ba Os Verdes iha ninia Prezidente no ninia vise sira, keta sira mak atu trata Ajénsia Verdes karik, ha’u mós la hatene. Ha’u-nia kompañia mak naran New Generation,” nia dehan.

Objetivu loke ajénsia ne’e atu haruka timoroan sira ba iha rai-li’ur hodi bele hetan osan no bele dezenvolve sira-nia suku liuhosi halo uma iha sira-nia rain, ho nune’e mak nia iha planu estratéjiku rasik atu haruka timoroan 1,000-resin hanesan ne’e ba iha Portugál.

Husu kona-ba membru arte rituál “77” mak ba serbisu iha Portugál, jerente ne’e hatán, tanba iha ema balun ne’ebé la gosta ninia susesu no movimentu durante ne’e.

“Ha’u hanoin ema-ne’ebe mak la gosta ha’u-nia movimentu mak bele ko’alia hanesan ne’e,” nia dehan.

Antes ne’e, Prezidente Partidu Os Verdes de Timor, António Lela Hunu, klarifika ba públiku katak partidu refere laiha desizaun koletivu hosi estrutura atu haruka timoroan sira ba servisu iha rai-li’ur, maibé iha ema individu balun hosi partidu nia laran mak iha ajénsia rasik hodi fasilita joven timoroan sira ba serbisu iha rai-li’ur.

“Hanesan partidu, seidauk iha orientasaun formál ida atu hahú prepara membru sira ba serbisu iha rai-li’ur, só ida-ne’e mak ha’u hakarak konfirma ba iha públiku,” Prezidente Os Verdes de Timor, António Lela Hunu, hateten ba Agência Tatoli liuhosi telefónika.

Líder partidu ne’e mós hakle’an liután katak partidu ne’e órgaun koletivu, entaun kualker desizaun tenke mai ho desizaun koletivu iha partidu nia-laran, tanba ida-ne’e la’ós responsabilidade partidu nian tanbá timoroan hirak-ne’e rejistu ba iha ajénsia ida mak fasilita sira.

“Ha’u hanoin ajénsia iha timor, se la sala iha ajénsia tolu ka haat hanesan ne’e mak iha timor, ne’e mak fasilita timoroan sira-ne’e,” nia dehan.

Maibé ajénsia ne’e mós iha partidu Os Verdes de Timor nia laran, nia hatán, ida-ne’e la loos tanba individu ka partidu nia ema ida mak harii ajénsia maibé la reprezenta partidu Os Verde de Timor.

Notísia Relevante: Prezidente Os Verdes klarifika la haruka timoroan servisu iha rai-li’ur

Timoroan na’in-hitu “terus” hela iha Dubai

Jornalista : Domingos Piedade Freitas/Osoria Marques Freitas

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here