Komandu munisípiu Dili, iha semana kotuk, halo apreensaun ba motór hamutuk 84 tanba viola kódigu estada. Imajen/ Hristo Alves dos Santos.

DILI, 23 juñu 2022 (TATOLI)— Komandu Polisia Nasionál Timor-Leste (PNTL) munisípiu Dili liuhosi Departamentu Unidade Tránzitu halo apreensaun ba motorizada hamutuk 84 tanba viola kódigu estada.

“Ita nia operasaun ba motorizada sira iha tempu kalan, iha loron 13 to’o 19 juñu konsege halo apreensaun ba motor hamutuk-84,” Komandante PNTL, Munisipiu Dili, Superintendente Xefe Henrique da Costa, hateten liuhosi konferénsia imprensa ne’ebé hala’o iha nia kna’ar-fatin, Caicoli, kinta ne’e.

Nia dehan, PNTL nota infratór maioria laiha karta kondusaun no laiha asesór hanesan xapa matríkula, lampu no espellu.

Ba motorizada-sira ne’ebé halo apreensaun tuir lei, infratór-sira sei lori billete apreensaun ba selu multa iha banku, lori fali resibu hodi ba foti motór atu aproveita trata dokumentu no monta asesor motór nian.

Komandu munisípiu Dili realiza operasaun kalan hodi dezenvolve kampaña ‘Dili hakmatek’ inklui atu eduka sidadaun-sira hodi respeita lei tránzitu no kódigu Estrada.

“Motorista sira balun kumpre hodi selu ona koema no balun seidauk seluk, tanba ne’e maka motór sira barak maka sei para iha ne’e,” Superintendente Xefe afirma.

Nune’e, Komandu PNTL Dili ne’e husu ba komunidade sira atu uza motor no karreta tenke kumpre kódigu Estrada, liuliu labele haluha asesoria no dokumentu motór ne’e.

Notísia relevante: Kampaña ikus, PNTL halo apreensaun ba motór hamutuk 300

Jornalista: Natalino Costa

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here