Diretór Servisu Munisípal Baucau sira tuir formasaun hosi Ministériu Administrasaun Estatál iha CCB, Vila Antiga, kinta (23/06). Imajen Tatoli/Natalino Belo.

BAUCAU, 23 juñu 2022 (TATOLI) – Ministeiru Administrasaun Estatal  (MAE) liuhosi Diresaun Administrasaun Finansa realiza formasaun ezekusaun orsamentu no programa ba diretór servisu munisipál hotu iha Baucau.

Diretór Jerál Admistrasaun Finansa hosi Ministériu Administrasaun Estatal Agostinho da Costa, hateten formasaun refere hanesan parte informasaun ba autoridade munisipál ligada ho planu asaun anúal bazea ba delegasaun kompeténsia tuir dekretu lei númeru 3/2016.

Diretór Administrasaun Finansa hosi MAE, Agostinho da Costa. Imajen Tatoli/Natalino Belo.

“Ohin ne’e hanesan refreshing tranning ba sira hotu-hotu, liuliu setór sira depois bele hatene oinsá prepara implementa 11 programa ne’ebé mak eziste iha munisípiu no ezekuta sira-nia orsamentu ne’ebé atribui ba munisípiu Baucau,” Diretór Jerál admistrasaun Finansa hosi MAE ne’e hateten iha Sentru Konvensaun Baucau (CCB, sigla portugés), Vila Antiga, kinta ne’e.

Hosi formasaun refere diretór servisu munisipál hotu bele hatene programa, sub-programa, atividade bazea ba indikadór sira nune’e to’o tinan ne’e taxa ezekusaun bele atinji to’o 98%.

Matéria iha formasaun mak planu asaun anúal tinan-2022, delegasaun kompeténsia ne’ebé atribui ona ba Prezidente Autoridade Munisipál ne’ebé implementa iha liña setoriál idak-idak bazea ba dekretu lei númeru 3/2016 no diploma ministeriál númeru 48.

Esperansa hosi formasaun refere atu kargu diretór servisu munisipál inklui Admistradór Postu Admistrativu sira ba oin tenke hato’o pedidu ezekusaun ba orsamentu inklui hato’o proposta ba implementasaun programa, sub programa no atividade sira bazea ba indikadór tinan 2022 nian.

Taxa ezekusaun orsamentu tinan-2022 iha munisípiu Baucau iha semestre dahuluk ezekuta ona 48% hosi tótal orsamentu hamutuk $4,538,264 ne’ebé finansia ba programa hamutuk 11, sub-programa 25 no atividade 59 hanesan estrada no ponte hamutuk $112,587.

Nune’e mós dezenvolvimentu rurál no urbana $392,908, seguransa nasionál $31,865, asesu ba justisa $35,791, boa governasaun no jestaun institusionál $1,950,441, agrikultura $505,359, água no saneamentu $125,674, edukasaun no formasaun $ 995,326, igulaldade jéneru no inkluzaun sosiál $ 68,706 no turismu hamutuk $ 22,999.

Hosi orsamentu refere koloka ba saláriu no vensimentu hamutuk $ 1,654,506, bens (sasán) no serbisu $ 834,630, kapitál dezenvovilmentu $ 392,908 no transferénsia publika $ 1,656,220.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here