Vice-Ministru Administração Estatal, Lino de Jesus Torrezão. Imajen TATOLI/Egas Cristóvão.

DILI, 23 juñu 2022 (TATOLI)—Vise Ministru Administrasaun Estatál (MAE), Lino de Jesus Torrezão, hateten MAE no Ajénsia Kooperasaun Internasionák Korea (KOICA, sigla inglés) hametin programa Saemoul Undong ba komunidade ne’ebé iha área rurál hodi hakbi’it no hasa’e ekonómia sidadaun iha aldeia sira iha munisípiu Aileu nian.

Notísia Relevante: Programa Saemaul Undong fó benefísiu ba povu Lautém

“Ha’u iha esperansa ho respetiva boot no formasaun ba Saemoul Undong iha ona ne’e, sira sei hakaas-an hodi servisu makaas, oinsá atu bele sensibiliza komunidade ne’ebé iha área rurál hodi hakbiit no hasa’e ekonomia sidadaun iha aldeia sira iha Munisípiu Aileu,” Lino de Jesus Torrezão hateten ba jornalista sira, hafoin hasoru malu ho Vise Diretór Saemaul Undong (SMU) Korea, Hyeon-Ju Lee,
Asistentente jerente SMU, Jeong Hyup Lee, Jerente hosi Ministériu Interinu Korea, Changgi Son no Kyeogun Son,
iha salaun MAE Colmera, kinta ne’e.

Espera katak sei susesu tanba iha ona referénsia ba programa Saemoul Undong ne’ebé hahú hosi munisípiu Lautém. Programa Saemoul Undong hanesan movimentasaun iha aldeia no bele halo koparasaun boot ho Programa Nasionál Dezenvolvimentu Suku (PNDS).

Notísia Relevante: Governu TL agradese governu Korea Súl ba apoia Programa Saemaul Undong

PNDS hatuur-an iha suku maibé Saemoul Undong halai liu ba aldeia, atu bele hakbiit ekonomia povu sira kbiit laek iha aldeia atu hasa’e sira nia ekonómia sai di’ak liután.

Iha nia deferensia boot liu ho PNDS tanba programa Saemoul Undong fó osan tomak ba grupu komunidade mak atu jere no ezekuta rasik, nune’e bele hakbiik ekonómia sa’e liután no osan fila ba komunidade.

Programa Saemoul Undong hala’o to’o tinan liman nia laran, tina-tinan sira hetan $20 mill no aldeia ida tinan liman nia laran ne’e, nia bele hetan rihun $100.

Koordenadora programa Seamoul Undong iha TL, Idelta Maria Rodrigues, informa programa Saemoul Undong prosesu armonia iha Timor Leste, la’ós buat fasil atu hetan lalais. Saemoul Undong implementa dahuluk iha munisípiu Lautém ne’ebé sai hanesan esperiénsia ba Governu Timor-Leste atu bele iha kompromisu atu hala’o, liuhosi dekreitu-lei Númeru 23/2021.

Programa Saemoul Undong nu’udar programa foun ne’ebé mak estabelese iha VIII Governu Konstituisional kontinuasaun ba programa uluk halo hosi MAE no ninia dekretu-lei maihusi VIII Governu konstituisionál.

“Ami iha rekursu limitadu maibé iha konfiansa, tanba Governu iha ona dekretu-lei atu bele fó forsa ba aldeia sira-ne’ebé iha área rurál,” nia hateten.

Notísia Relevante: Kada tinan, Saemaul Undong aloka orsamentu $20 mill ba komunidade

Programa Saemoul Undong ne’ebé Korea finansia besik finaliza ona

Jornalista : Osória Marques

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here