Ministru Asuntu Parlamentár no Komunikasaun Sosiál, Francisco Jerónimo. Imajen TATOLI/Francisco Sony

DILI, 23 juñu 2022 (TATOLI)—Ministru Asuntu Parlamentár no Komunikasaun Sosiál (MAPKOMS), Francisco Martins da Costa Pereira Jerónimo, informa estabelesimentu konstrusaun edifísiu propriu ba Agência TATOLI, Institutu Públiku (TATOLI, I.P) no Rádio e Televisão Timor–Leste, Empreza Públiku (RTTL, E.P) tama ona prosesu loke konkursu públiku.

Notísia RelevanteMAPKOMS loke hikas konkursu ba konstrusaun edifísiu TATOLI, I.P no RTTL, E.P

“Edifísiu ba TATOLI, I.P no RTTL, E.P ne’e atu halo iha Aimutin, ida-ne’e agora halo estudu viabilidade tama ona ba loke konkursu públiku foun,” Francisco Martins da Costa Pereira Jerónimo hateten ba jornalista sira, hafoin halo reuniaun ho kada ministériu iha Arkivu no Múzeu Rezisténsia Timor-Leste (AMRT-sigla portugés), Dili, kinta ne’e.

Antes ne’e, Governante ne’e khateten MAPKOMS loke hikas konkursu ba konstrusaun edifísiu Agência TATOLI, Institutu Públiku (TATOLI, I.P) no Rádio e Televisão Timor–Leste, Empreza Públiku (RTTL, E.P) iha tinan ne’e tanba empreza ne’ebé antes ne’e manan konkursu deziste ona.

Nune’e, prosesu loke fali konkursu foun ne’e, daudaun tama ona iha Komisaun Nasionál Aprovizionamentu (CNA, sigla portugués) hodi hetan kompañia foun.

Kona-ba orsamentu estabelesimentu ba edifísiu Agência Tatoli no RTTL, nia akresenta, orsamentu ba estudu viabilidade ho montante $200.000-resin, enkuantu ba konstrusaun edifísiu ba Agência TATOLI, I.P no RTTL, E.P hamutuk millaun $5. Nune’e, kompania ne’ebé antes manán ona iha konkursu ne’e mak Detile hosi Malázia.

Iha biban ne’e, Ministru MAPKOMS ne’e esplika, iha fulan kotuk, Primeiru Ministru, Taur Matan Ruak no Prezidente Repúblika, José Ramos Horta, halo ona lansamentu ba konstrusaun edifísiu RTTL ne’e hanesan, edifísiu provizóriu ida atu RTTL halo servisu ho dignu.

“Tanba, sira-nia (RTTL) uma ne’ebá atu monu ona,” nia dehan.

Edifísiu RTTL, E.P Primeiru-Ministru no Prezidente Repúblika lansa ona, prosesu la’o hela namanas tanba kontratu ne’e presiza asina.

“Kontratu ne’e seida’uk to’o mai iha ne’e. Horisehik empreza ne’e foin lori fila-fali aseitasaun kona-ba kontratu mai iha Ministériu, horisehik mak foin lori mai. Tanba ne’e, agora prepara fali kontratu para atu asina, hodi ba halo servisu. Prosesu hotu kona-ba kontratu ne’e asesór sira prepara hela, hotu ona ami asina kontratu, nia ba halo servisu. Ha’u hakarak katak iha fulan juñu, se lae iha fulan-juliu ne’e tenke hahú ona servisu,”.

Entretantu, orsamentu ba konstrusaun edifísiu provisóriu ba RTTL, E.P iha Caicoli ne’e, hamutuk millaun $1-resin no empreza ne’ebé kaer projetu ne’e mak Banir Lema.

Notísia RelevanteCAFI Aprova Prosesu Aprovizionamentu Konstrusaun Edifísiu TATOLI,IP-RTTL,EP

Jornalista : Nelia Fernandes

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here