Prezidente Interinu Konfederasaun Desportu Timor-Leste (CDTL, siglá portugés), Inocencio Araújo da Silva. Imajen Tatoli/Egas Cristóvão.

DILI, 22 juñu 2022 (TATOLI)— Prezidente Repúblika, José Ramos Horta, kuarta ne’e halo enkontru ho líderansa Konfederasaun Desportiva Timor-Leste (CDTL,sigla Portugés), hodi kontinua enkoraja atu serbisu maka’as hamutuk ho Governu hodi dezenvolve desportu.

Biban ne’e, Vise Prezidente Konfederasaun Desportiva Timor -Leste (CDTL-sigla Portugés), Inosencio de Araújo, informa sira nia parte sorumutuk ho Prezidente Repúblika hodi aprezenta papél ka servisu CDTL nian.

“Prezidente Repúblika enkoraja nafatin CDTL atu halo servisu di’ak liután no Prezidente Repúblika prontu kolabora ho CDTL hamutuk ho Governu oinsá mak bele servisu hamutuk hodi lori desportu iha Timor-Leste ba oin,” Vise Prezidente CDTL, hateten iha Palásiu Prezidensiál, Bairru-Pite-Dili, kuarta ne’e.

CDTL mós husu ba lider númeru ida iha Timor – Leste ne’e atu apoiu makas ba desportu bele lobi ho parte importante sira, nune’e bele sai patrosidór ba atividade desportu nian hodibele hatama reseita ba Estadu no motiva atleta foinsae sira.

Papél CDTL atu tau matan no haree ba federasaun desportiva hotu tanba be’e daudaun ekipa halo hela diagnóstika ida ba funsionamentu no administrasaun operasionál CDTL nian atubele mellora di’ak liu tan servisu hodi bele dezenvolve desportu iha nasaun ne’e.

Federasaun ne’ebé hamahan-an iha CDTL hamutuk 48, kompostu Atletizmu, Aikido, Basketból, Badmintong, Boxe, Siklizmu, Criket, Corida da Cavalho, Futeból, Halterofelizmu, Judo, Karate-do, Kempo, Motosiklizmu, Natasaun, Netball, Silat, Saling, SKI, Tiru, Taekwondo, Tenis Kampo, Tenis Meza, Voleiból, Xadres, Whusu, Mhuathay, Sepaktakraw, Rama Hana, Hockey, Andeból, Teqball, Roller no seluk tan.

Notísia relevante:  CDTL husu Governu atu investe dezenvolvimentu desportu iha Timor-Leste

Jornalista: Hortencio Sanchez

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here